EAEko Segurtasun Sailak aurrekontu handiagoa nahi du: 600 milioi baino gehiago
Estefania Beltran de Heredia EAEko Segurtasun Sailburuak 2014ko aurrekontu proiektuan bere saila %4,5 handitzea nahi du. 609 milioi euro izango lituzke polizia autonomikoaz arduratzen den Jaurlaritzaren departamenduak.
2013rako Eusko Jaurlaritzak prestatu eta onartu ez zen egitasmoan 583 milioi inguru aurreikusten ziren Segurtasun Sailerako. 26 milioi haziko litzateke aurrekontua, beraz, 600 milioien muga gaindituz.
Onartuz gero, 18,4 milioi eraikuntzetan gastatuko dira: polizia etxeak “mantentzeko, garbitzeko, konpontzeko eta zaintzeko” gastuak dira Segurtasun Sailak jakinarazi duenez.
Arkauteko akademiak 2014an 12 milioi eurotik gorako kostua izango duela aurreikusi dute eta 11 miloi euro baino gehiago Ertzaintzaren ibilgailu-parkea berritzera bideratu nahi ditu Beltran de Herediak.
6 milioi euro agenteen jantziak berritzeko izango lirateke –iaz onartu ez zen proposamenean aurreikusitakoaren bikoitza– eta 34 milioi gastatuko lirateke informatika-sistematan eta telekomunikaziotan.
Azken partida horrekin “poliziaren eguneroko jarduerak gauzatzeko behar diren sistema eta aplikazioen mantentze-lana egin ahal izango da” Segurtasun Sailaren arabera eta “ikerkuntza-zereginetarako lagungarriak diren polizia-informatikako tresnak garatuko dira”.
Eusko Jaurlaritzaren Irekia webgunean ikus daitezke aurrekontuaren xehetasunak (PDF).
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]