EAEko Hezkuntza Legeari xedapen gehigarri hauek proposatuko dizkio LABek

  • EAEko Hezkuntza Legeari xedapen gehigarriak aurkeztu dizkio LAB sindikatuak lau alorretan. Urriaren 6rako mobilizazioa deitu du Gasteizen, "Euskal Eskola Publiko eta Komunitarioa helburu, Hezkuntza Legea bide horretan trantsiziorako legea izan dadin, eragiten jarraitzeko".


2022ko irailaren 23an - 13:10

Garbiñe Aranburu LABeko koordinatzaile orokorrak eta Irakaskuntzako arduradun Irati Tobarrek aurkeztu dituzte EAEko Hezkuntza Legeari egindako xedapen gehigarriak:

"Hezkuntza Sistema Propio bat garatzeko dituen gabeziak zuzendu behar dira"

 LABen hitzetan, Hezkuntza Legeak "ez du ezer esaten Euskal Herriak bere hezkuntza sistema burujabea eratzeko duen eskubideaz. Indarrean dagoen Autonomia Estatutuak ez du hezkuntza gaietan eskuduntza osorik barnebiltzen; beraz, hezkuntza eskumen osoaren transferentzia eta hezkuntza gaietan erabaki ahalmen osoa beharrezkoa dela jaso behar da".

Sindikatuak gehitu du lege-proiektuak jaso beharko lukeela euskal curriculuma garatu eta hezkuntza sistema osoan ezarri beharra: "Jaurlaritzak bere eskumen guztiak baliatuta, adituekin eta eragileekin elkarlanean, euskal curriculuma osatzea eskatzen dugu".

"Langileen eskubideei dagokienez, legeak gabezia handiak ditu"

LABek proposatu du ikastetxe publikoetako langileen kasuan, Hezkuntza Sailak "egun dagoen langileen lanpostu zerrenda ezingo gutxitu izatea, lege hau indarrean dagoen bitartean". Itundutako ikastetxeen langileak langile publikoekin homologatzea planteatuko du LABek, baita zerbitzuetako langileen lan-baldintzak langile publikoen baldintzekin homologatzea ere.

Etorkizuneko langileei begira, LABen ustez "sarbide gardenerako araubidea arautu behar da urtebeteko epean. Prozedura arautu honek, gardena izan dadin, derrigorrez jasoko ditu meritu, gaitasun eta berdintasun printzipioak bermatzeko eta eskaintzen publizitatearen inguruko betebeharrak".

Pribatizaturiko zerbitzuen errebertsioa eta publifikazio prozesuak ere eskatu ditu LABek: "Lehentasunez, azpikontrataturik dauden garbitzaile, jantokiko hezitzaile eta autobusetako langileen lehengoratzea" eskatu du.

"Eskola publikoak hezkuntza sisteman ardatz izan behar du"

"Eskola Publikoaren Plan Estrategikoa berehala aurkeztea" eskatu du LABek: "Bertan, azpiegituretara edo edo lan baldintzen alorrean dauden beharretara bideratzen den inbertsioa kuantifikatuko da". Publifikazio araudia zehaztea ere eskatu du, "nahi duten ikastetxeek, beti ere alde sozialarekin negoziatuta, aukera izan dezaten".

Haur-eskolei dagokienez, eskatu du Haurreskolak Patzuergo Publikoa indartzea eta hedatzea: "Bertatik bermatuko da eskaintza unibertsal, kalitatezko eta doakoa".

"Euskal Hezkuntza Zerbitzua osatzen duten ikastetxeen betebeharrak gehiago zehaztea eskatzen dugu"

Hiru eremu seinalatu dituzte betebeharren artean: euskalduntzea, laikotasuna eta inklusioa. Euskalduntzeaz, zera adierazi du sindikatuak: "Gai honetan zehaztasun falta sumatzen dugu. Euskararen murgiltze eta mantentze sisteman oinarrituriko ikas eredu bakarra ezarri behar da, egungo hizkuntza ereduak gaindituz".

Laikotasuna "oso modu lausoan agertzen da", seinalatu du LABek: "Ez du bermatzen diru publikoa jasotzen duten ikastetxeetan doktrinamendu erlijiosorik ez dutenik egingo".

Inklusioaz ere horrela uste du LABek: "Segregazioari aurre egiteko asmo eta neurri batzuk jaso arren, hemen ere zehaztasuna falta da. Ikasleak onartzeko prozedura bakar bat arautu behar da eta horretan Udal Hezkuntza Kontseiluaren eskumenak zehazteko zuzenketa planteatzen dugu".

Ikastetxeen betebeharrak betearazteko kontrol mekanismoak zehazteko ere eskatu du: "Diru publikoaren erabilera egokia ziurtatzeko, auditoria ekonomiko lanak egingo dituen administrazio unitate berri bat sortzea proposatzen dugu. Era berean, legean jaso behar da betebeharrak betetzen ez dituzten ikastetxeei ituna kendu egingo zaiela".

Hezkuntzara bideratuko den inbertsioa lege bidez zehaztea eskatu du sindikatuak: "Neurri hauen guztien gauzapena posible izan dadin, hezkuntzarako inbertsio nahikoa bideratu beharko da. Lege bidez, hezkuntza arloan urtero dagoen aurrekontu-proiektua ezin da BPGren %6a baino gutxiagokoa izan".


Kanal honetatik interesatuko zaizu: Hezkuntza
2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Eguneraketa berriak daude