EAEko eskoletan generoa lantzeko plana aurkeztu du Hezkuntza sailak

  • Eusko Jaurlaritzako Hezkuntza sailak hezkidetza lantzeko eta eraso sexistei aurre egiteko plana jarriko du martxan EAEko ikasgeletan. Besteak beste, “genero eta gizarte eraldaketa” ikasgaia bultzatuko du.

ARGIA @argia
2013ko urriaren 02a
Ikasleak eskubide berdintasunaren aldeko murala margotzen. Argazkia:Deia

Aurtengo ikasturtean hasi eta 2015-2016 ikasturtera bitarte ezarriko dute egitasmoa. Hasieran, hamar ikastetxetan proba-pilotuak egingo dituzte. Gero, EAEko gainontzeko ikastetxeetara zabalduko dute.

Hainbat neurri proposatzen ditu planak hezkidetzan oinarritutako hezkuntza lortzeko bidean. Besteak beste, “generoa eta gizarte eraldaketa” ikasgaia hurrengo ikasturtean sartzea; eduki sexistarik bultzatzen ez duten argitaletxeak saritzea; curriculuma aztertu eta emakumeen presentzia handitzea; eta gelatan ematen den sexualitate heziketa berritzea.

Egitasmoa ekainean aurkeztu zuen Cristina Uriarte hezkuntza sailburuak. Geroztik, interneten zintzilikatuta dago planaren behin behineko zirriborroa. Herritarrek parte hartzeko eztabaida saioa ere ireki zuten, hiru astez. Osotara, bost iruzkin jaso ditu zirriborroak: erabiltzaileek egindako hiru eta Hezkuntza sailak egindako bi.

Behin betiko plana hilaren 30ean aurkeztuko du Hezkuntza sailak, Emakundek Bilbon antolatutako “Berdintasunareako gunea” izeneko jardunaldietan. 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Hezkuntza kanaletik interesatuko zaizu...
Azkenak
EGILEA
Eguneraketa berriak daude