EAEko 32 udalerritako 2,3 milioi metro koadro industria-lurzoru berroneratuko ditu Eusko Jaurlaritzak
Eusko Jaurlaritzak deitoratu duenez, gaur egun, EAEk "lurzoru gutxi" du bere jarduera ekonomiko nagusia den industria bultzatzeko. Hori dela eta, apustu egin du erabiltzen ez diren eta berroneratzeko eta deskontaminatzeko premia duten 2,3 milioi metro koadroko industria-lurzoru berreskuratzeko 32 udalerritan, tartean, Erandion (Playa Barri eta Sakoni eremuak) eta Lemoizen (Basordas, zentral nuklearraren instalazio zaharra).
Ekonomiaren Garapen, Jasangarritasun eta Ingurumen Sailak industria-lurzoruaren estrategiaren aurrerapena aurkeztu du. Estrategia horrek oinarritzat hartzen du erabiltzen ez diren eta berroneratzeko eta deskontaminatzeko premia duten lurzoruak berreskuratzea, eta jasangarritasunaren ikuspegia indartzen du, tramitaziopean dagoen Euskadiko Lurzorua Babesteko 2030erako Estrategiaren esparruan.
Azaldu dutenez, EAEn lurzoru gutxi dago industria bultzatzeko, eta, horregatik, Jaurlaritzak apustu egin du lurraren babes globalaren alde, "elkarrekin uztartuz ingurumenaren zaintza, jasangarritasuna eta enplegua sortzen duen sustapen ekonomikoa".
Eusko Jaurlaritzako Industria eta Jasangarritasun eta Ingurumen sailek elkarregaz egindako lanari esker, posible izan da Sprilur eta Ihobe Sozietatearen arteko lankidetza indartzea, "ekonomia eta ingurumen arloetako helburu bikoitzaren alde". Hala, kutsatutako lurzoruen arloan 2020-2024ko gobernu-programak helburu bezala finkatu du kutsatutako 400 hektarea lehengoratzea sail eta erakunde eskudunakaz lankidetzan.
Testuinguru horretan, lurzorua babesteko politikaren barruan oinarrizko urratsa da Bizkaian, Santurtziko sektoreetan, Barakaldoko Burtzeñan, Muxikako Inaman eta Erandioko Playa Barri eta Sakoni eremuetan; Gipuzkoan, La Herrera Pasaian, Oikia Zumaian edo Arcelor Mital Zumarragan dauden kutsatutako lurzoru historiko garrantzitsuenak berroneratzea. "Aukera historiko bat da ingurumen arloan lehentasun handia duten lurzoru horiek modu egokian lehengoratzea".
Lehengoratze-prozesu hori Sprilur-en (industria lurzoruen birgaikuntzan aditua) eta Ihoberen (kutsatutako lurzoruak berreskuratzen aditua) lankidetza estuaren bitartez bultzatuko da.
Garatuko dituzten jarduerak, Uribe Kostan
Eusko Jaurlaritzak lau partzela erosi zituen 2021ean, 8,5 milioi euroren truke, Playa Barri-Sakoni eremuan. Gune horiek, arduradunek azaldu dutenez, partzialki artifizializatuta daude, baina "lehengoratzeko premia dute". Hala, 2022an eta 2023an lurrak erosten jarraituko du Jaurlaritzak, eta hasiera emango diote hirigintza-tramitazioari, eta lurraren deskontaminazioa hasiko dute.
Lemoizi dagokionez, Basordas inguruan dagoen zentral nuklearraren instalazio zaharrak atonduko dituzte lurreko akuikultura-parke bat ezartzeko. Azaldu dutenaren arabera, hauexek dira egin beharko dituzten lanak: eraistea, berrurbanizatzea, eraikina zaharberritzea eta eraikin berriak jasotzea. Ez dute aurrekontua zehaztu, "garapen-ereduaren araberakoa izango baita". Hala ere, jakinarazi dute ezohiko baliabideak beharko direla proiektu horretarako, horregatik proposatu dute Next Generation proiektuen artean sartzea.
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
Eskarmentu ikaragarria –hitzaren adiera etimologikoan, besteak beste– dugu europarrok arma-lehiaketetan. Eta, paradigmatzat hartu ohi denetik, XIX. mendearen amaiera eta XX.aren hastapeneko hartatik, mende eta laurden igaro denean arma-lehiaketa kartsuenera itzuli... [+]
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]
Manuel Casal Lodeiro (Barakaldo, 1970) informatikaria eta gai energetiko eta ekosozialen inguruko aktibista eta dibulgatzailea da. Besteak beste, 15/15/15 aldizkari eleanitza eta Galiziako Instituto Resiliencia koordinatzen ditu, eta Véspera de Nada por unha Galiza sen... [+]
REE Red Electrica Española-ren Euskadiko, Nafarroako eta Kantabriako ordezkari Antonio Gonzalez Urquijo egon da ostegun honetan Gatikako azpiestazio elektrikoan, kazetariekin batera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Joan den astean iragarri zuen BSH enpresak Eskirotzeko lantegia itxiko zuela langile batzordeak, Espainiako Industria Ministerioak eta Nafarroako Gobernuak eginiko eskaerei jaramonik egin gabe. Asteartean egingo dute Enplegu Erregulazioko Espedientearen negoziatzeko lehen... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Astelehen goizean ezagutu da industriarentzat kolpe latza izango den notizia: datorren astean hasiko du enpresak EEEaren negoziazioa, eta kalean geratuko dira 655 langile.
Energia eta telekomunikazio burujabe eta iraunkorraren aldeko manifestu kolektiboa.
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]
Aurreko artikulua amaitzeko, Euskal Herriko xahuketa eta gerrarako ekoizpenaren inguruan (EHXGE, edo industria militarra) hitz egiten denean Zedarriak eta Eusko Jaurlaritzak jorratu nahi ez duten helburu bat jarri genuen mahai gainean: Euskal Herrian egindako... [+]