Donostian mobilizazio arrazistak bultzatzen dituen Telegram kanalaren erreplikak sortu dituzte Gasteiz eta Iruñerako
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta urrian mobilizazio bat antolatzeko zorian egon zen.
aurre egingo dieten hedabide independenteak
Lo Que no te Cuentan de Donosti (Donostiaz kontatzen ez dizutena) Telegram eta Instagram taldeen sustatzaile anonimoek Gipuzkoako hiriburuan erabilitako formula Euskal Herriko beste hiriburu batzuetara zabaldu nahi dutela ematen du. Donostiako Telegram taldearen administratzaileetako batek, Jumima ezizenekoak, izen bereko taldeak sortu ditu Gasteiz eta Iruñerako.
Lo Que no te Cuentan de Pamplona (Iruñeaz kontatzen ez dizutena) Telegram taldea urriaren 1ean sortu zuen Jumima erabiltzaileak, eta albiste hau idazteko orduan, hilabete eta erdi igarota, 544 kide lortu ditu. Lo Que no te Cuentan de Vitoria (Gasteizen inguruan kontatzen ez dizutena) irailaren 26an sortu zuen erabiltzaile berak, baina talde horrek hiru kide ditu soilik, eta ez du jarduerarik. Espainiako Estatuari begira ere ari da Jumima, Gasteizko taldea sortu zuen egun berean ere sortu baitzituen Lo Que no te Cuentan de Barcelona eta Lo Que no te Cuentan de Madrid taldeak. Azken bi horiek ere ez dute jarduerarik gaur-gaurkoz, eta kide bakarra Jumima bera da. Lau taldeetan errepikatzen den administratzaile bakarra aipatu Jumima erabiltzailea da.
Sortu berri dituzten Telegram talde horietatik guztietatik Iruñekoak soilik ditu kide berriak eta jarduera, esan bezala, eta Donostiako taldearen eduki antzekoak daude bertan ikusgai: delinkuentzia eta pertsona arrazializatuak lotzen dituzten albisteak, asko eskuin muturreko hedabideetatik hartutakoak; pertsona arrazializatuen irudi eta argazkiak, delitugileak izatea leporatuta; eta taldekideen muturreko iruzkin arrazistak, tartean pertsona arrazializatuen aurkako biolentzia aldarrikatzen dutenak.
Mobilizazio saiakera Iruñean
Urriaren 9an, Iruñeko Arrotxapea auzoan, gazte arrazializatu batek 20 urteko emakumea hil zuen labankadaz. Iruñeko Telegram taldean bolo-bolo ibili ziren albisteen inguruko informazioak eta iruzkin arrazistak, eta kideetako batzuek mobilizazio bat egitea aldarrikatzen hasi ziren. “Adi egon talde honi eta sare sozialei! Laster elkarretaratzea antolatuko da, talde honi eta gainerako sareei ahalik eta laguntza handiena eman!”, idatzi zuen orduan administratzaileetako batek, eta deialdia legeztatzea eta jendea agertuko zela ziurtatzea garrantzitsua zela azpimarratu zuen.
Erabiltzaileetako batek eguna eta tokia proposatu zituen: urriaren 11ko ostirala, Sarasate pasealekuko PSNren egoitzaren aurrean. Jumima administratzaileak inkesta bat bidali zuen, “Ostiraleko kontzentraziora joango zara?” galderari baiezkoarekin edo ezezkoarekin erantzuteko aukera ematen zuena. Soilik 27 pertsonek bozkatu zuten, eta ez zuten mobilizaziorik egin. Handik hamar egunera, urriaren 21ean, Lo Que no te Cuentan de Donosti taldeak egin zuen bere lehenbiziko kontzentrazioa KAS Kaleko Afari Solidarioak taldearen eta kalean bizi diren herritarren aurka.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko"... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
"Delinkuentziarik gabeko Cintruenigo" aldarrikatu dute, ohi bezala, pertsona migratuak kriminalizatuz.
Urte hasieran, Saidek Kutxabanken lokal abandonatu bateko giltzak erosi zituen 600 euroan, beste bi lagunekin batera, Gasteizko Judimendi auzoan. Hilabete zeraman kalean bizitzen. Hasiera batean ez zuten arazorik izan, baina lokalera jende berria heldu ahala gatazkak eta... [+]
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Gasteizko Arana auzoan Nazioarteko Babeserako Harrera Zentroa birgaitzeko lanak hasi ondoren, bizilagun okupatuak eta kezkatuak garen aldetik eta Euskal Herria benetako harrera- herria izan dadin, berriz ere publikoki posizionatu beharra ikusi dugu. Beste behin ere lengoaia... [+]
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Erasoa ile apaindegi batean egin zuen Poliziak iragan astean, Bilboko Kontseilu Sozialistak salatu duenez. Ile apaindegiko kamera baten irudiak zabaldu dituzte.