Donostian atxilotu egin dute Murchanten emakume gasteiztar bat hil zuen gizona
Murchanten Pilar Berrio gasteiztarra labankadaz hil zuen gizona Donostian atxilotu dute, Ertzaintzaren auto kamuflatu bat lapurtu ostean. Mugimendu feministak elkarretaratzea deitu du Gasteizen ostiralerako.
Asteazkenean, zigor-aurrekariak zituen Zumarragako gizon batek Pilar Berrio 43 urteko emakume gasteiztarra hil zuen labankadaz, Murchanten (Nafarroa); emakumea bertan bizi izan da azken lau urteetan. Ustezko hiltzailea biktimaren ahizparen bikotekide ohia da, eta ihes egin zuen. Orduz geroztik, bere bila izan dira Nafarroako Foruzaingoa eta Ertzaintza.
Ostegun honetako eguerdian, Ertzaintzak ustezko hiltzailearen autoa abandonatuta aurkitu du Legazpin. Segurtasun Sailak baieztatu duenez, Ertzaintzaren ibilgailu kamuflatu bat lapurtu du (Seat Leon urdina) Donostian, eta, arrasto horri jarraitu ostean, Gipuzkoako hiriburuan bertan topatu eta atxilotu egin dute.
Erasoa asteazkeneko 10:24ak aldera gertatu zen, NA-6840 errepideko 4,6 kilometroan. Gizonezkoak biktimaren autoarekin talkarazi egin zuen bere ibilgailua; bertan zeuden emakumearen bi seme-alabak ere. Pilarrek gidatzen zuen autoa bidetik atera zen, eta une hori baliatu zuen erasotzaileak hurbiltzeko eta hainbat labankada emateko.
2021ean lau hilketa matxista gertatu dira Euskal Herrian; guztira, 111 izan dira 2003az geroztik.
Udalaren gaitzespena
Gasteizko Udaleko bozeramaileen batzordea ostegunean bildu da. Udalbatzako talde politiko guztiek hilketa matxista gaitzesteko eta biktimaren familiari elkartasuna adierazteko adierazpena adostu dute, eta, ondoren, elkarretaratze isila egin dute Plaza Berrian. Bertan izan dira ere Arabako ahaldun nagusia, Batzar Nagusietako presidentea, Emakundeko presidentea, gobernuko ordezkariordeak eta beste erakunde batzuetako ordezkariak, besteak beste.
"Udalak biktimaren inguruarekiko hurbiltasuna adierazi nahi du, behar dituen baliabide psikologikoak, juridikoak, sanitarioak, babesekoak eta harrerakoak bere esku jarriz eta bere interesei eragiten dien informazio guztia duela bermatuz", adierazi dute.
Mobilizazioak
Bestalde, Euskal Herrian gertatutako hilketa matxista ororen aurrean bezala, mugimendu feministak Euskal Herriko Emakumeen Mundu Martxako protokoloa aktibatu du, eta, beraz, datozen orduetan indarkeria matxistaren aurkako mobilizazioak egingo dira hiriburuetan eta herrietan. Gasteizko mobilizazioa ostiralean izango da, hilaren 9an, 19:00etan Loma Jeneralaren plazan.
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Adimen Artifizialaz egindako bideoak sareratu dituzte, Mengolini difamatzen dutenak. “Gorrotoa bultzatzea, indarkeria kolektiboa eta bortxazko mehatxuak” izan direla salatu du kazetariak, eta zigor bideari ekingo diola.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute