Donostiako turismoaren kudeaketa aldatzeko zazpi proposamen egin ditu EH Bilduk, besteren artean, hiriaren karga turistikoa neurtzea
Donostiako turismoaren kudeaketa aldatzeko zazpi proposamen egin ditu EH Bilduk, besteren artean, hiriaren karga turistikoa neurtzea. Mahai gainean jarri dute, bisitari kopuruari dagokionez orain arteko errekorra izan zen 2019ko datuak %10ean gainditu direla hirian maiatza arte.
Donostiako 2017-2021 Turismoko Zuzendaritza Plana eguneratzen ari direla baliatuz, EH Bilduk salatu du azken urteotako turistifikazioa ez dela jasangarria eta herritarren bizi kalitatea kaltetzen ari dela. Planak esan arren erronka nagusia turismoaren "garapen orekatua eta jasangarria" zela, koalizioak uste du Turismo Zuzendaritza Plana “literatura hutsean" geratu dela”.
Eustatek argitaratutako azken datuak azaldu ditu: Donostiara iritsitako turisten kopuruak beste errekor historiko bat gainditu du maiatzean. Ordura arte hiriak izandako bisitak %10 igo dira daturik altuenak zituen 2019 urteko aldi berarekin alderatuta. Hazkunde “neurrigabe” hori aurreikusi zitekeela ziurtatu du koalizio abertzaleak eta Goia alkate denetik hotel eta antzekoak biderkatu egin direla. Goiaren gobernuak lizentziak ematen jarraitzen duenez, “kontrolik gabeko hazkunde hori mantentzea eta areagotzea” dela joera.
Proposamenak
Zazpi proposamen egin ditu Donostiako EH Bilduk, turismo-ereduari norabide aldaketa eman behar zaiola argudiatuta.
Lehena, 2017 eta 2021 urteen arterako Turismoko Zuzendaritza Planaren eta haren hiru erronka estrategikoen betetze-mailaren balantzea aurkeztea, bereziki helmugaren kudeaketari eta turismoaren gobernantzari dagozkionak.
Bigarrena, Donostia Turismoa sozietatearen funtzioak eta antolamendu eredua berregokitzea, Turismoko Zuzendaritza Planak jasotako irizpideen araberako gobernantza eta jarduera egikaritzeko.
Hirugarrena, txosten bat egitea Donostiako hiriaren, nahiz auzo edo zonalde jakin batzuen –Parte Zaharra, Erdialdea, Gros, Egia, Antigua– karga turistikoaren gaitasunari buruz, eta bertan bizi direnen bizi-kalitatea arriskuan jarri gabe har ditzaketen eguneko bisitarien eta ostatu-gauen kopuruari buruz, besteak beste.
Laugarrena, karga turistikoaren gaitasuna aztertzeko aldagaiak (eremuak, neurriak...) adostuak eta kontsentsuz hartuak izatea, alderdi politikoen, kaltetutako eremuetako auzokideen eta sektoreko eragileen artean.
Bosgarrena, Parte Zaharra eta Kaia bezala, beste auzo batzuk –Erdialdea, Gros, Egia, Antigua– saturatutako eremu edo "eremu ase" izendatzeko behar diren ordenantzak aldatzea.
Seigarrena, “Eremu ase” edo “joan-etorri handiko espazio” izendatutako auzoetan lantaldeak eratzea, tokian tokiko bizilagunekin eta eragileekin batera, beharrezko erabakiak hartu eta ekintzak abiarazteko (mugikortasuna, fluxuen kudeaketa, komunikazioa, ondarea...).
7.- Alternatibak edo “B plana” prestatzea. COVID-19 pandemia adibide hartuta, turismoak aldaketa eta krisien aurrean agertu duen zaurgarritasuna dela eta, jarduera ekonomiko honekin lotutako lanpostuak beste sektore batzuetan egokitzeko trantsizioa errazteko neurriak.
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
Donostiako desazkunde turistikoaren aldeko BiziLagunEkin plataformak deituta, Europa hegoaldeko turistifikazioaren aurkako SET sarearekin koordinatu dute ekimena.
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
Europa hegoaldean turistifikazioaren aurrean dauden hirien SET sareak topaketa egin du Bartzelonan, apirilaren 25etik 27ra. Turistifikazioak lurralde eta bizitzetan duen eraginaren tamainaz ohartarazi dute: “Ez da turismo handia jasotzen duten guneen arazoa soilik; sistema... [+]
Ekimen honekin tonu alai eta ironikoan salatu nahi dute aldaketa klimatikoa eta turistifikazioa elkar elikatzen ari direla, eta horrek "gure hiria eta lurraldea merkatuaren logikaren esku uzten" dituela.
Espainiako Gizarte Eskubide eta Kontsumo Sailak enpresari eskatu zion Espainiako Estatu osoan 65.935 etxebizitzaren iragarkiak webgunetik kentzeko, araudia betetzen ez zutela egotzita. Airbnbk helegitea aurkeztu zuen, Madrilgo Auzitegi nagusiak arrazoia eman dio gobernuari,... [+]
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]