Donostiako hainbat bizilagun etxerik gabe gelditzeko zorian dira AHTren obrengatik
Abiadura Handiko Trenaren obren ondorioz, Okendotegi bideko eraikin batean bizi diren familiak desjabetu dituzte eta etxerik gabe geratzeko arriskuan daude; ordainetan emandako dirua “irrigarria” dela salatu dute: “Donostiarrak gara eta Donostiatik bidaltzen gaituzte”.
Astigarragako Ergobia eta Donostiako Martutene auzoen artean, egungo trenbidearen atzealdetik doa Okendotegi bidea. Garai batean baratze eta soro zabalek estaltzen zutena, hormigoi bihurtzen ari da pixkanaka. AHTren obrek bete-betean harrapatu dute hiriburuaren periferia hori. Baina hor jendea bizi da.
Garai batean jauregi izanaren zantzuak geratzen bazaizkio ere, 153. zenbakidun eraikinean herritar xeheak egiten du bizitza. Badira pentsiodunak, hainbat ezintasun dituztenak, bikote gazteak, familiak, ekintzaileak… Orain, Adif sozietateak desjabetu egin ditu eta etxea botatzeko zorian dira. Ostiral goizean Donostiako udaletxean euren egoera salatu dute horietako zenbaitek, EH Bildu eta Elkarrekin-Podemos udal taldeetako zinegotzien babesaz.
Hasiera batean AHTren obrek inguruko terrenoak baizik ez zizkiela kenduko uste bazuten ere, iazko urrian, Espainiako Aldizkari Ofizialaren bidez jakin zuten proiektuak moldaketa bat izan zuela eta ondorioz euren etxea ere modu azkarrean desjabetu eta arriskuan zela: “Ez ziguten gutun bat bera ere bidali, lotsagabekeria iruditzen zaigu, formalismorik gabekoa”.
"Bakarrik nago eta ezin dut ibili"
Hortik aurrera, bide-gurutze baten antza handiagoa duten jirak eta birak eman dituzte euren egoera zein den argitu nahian, bai instituzioetan baita Adifen ere. Joan den urrian bildu ziren Donostiako alkate Eneko Goiarekin, eta honek “harrera ona” egin bazien ere, ez dute bere berri gehiago izan. Orain, behin azken tramitea igarota hilabeteko epean bota dezakete eraikina, nahi izanez gero: "Laster ez dugu jakingo non egongo garen bizitzen".
Salatu dutenez, tasazioak egiteko garaian “prezio irrigarriak” ezarri dizkiete etxebizitzei, kasuren batean 80.000 euro besterik ez. Beste zenbaitek etxea goitik behera berritu dute eta hamabost urteko hipotekei egin behar diete aurre, baina ordaindutakoaren erdia baino ez diete ematen desjabetzearekin. Eskaini dieten kopuruarekin Okendotegiko bizilagunek garbi dute ez Donostian ezta Gipuzkoan ere ez dutela aukerarik izango beste bizileku bat aurkitzeko. Gaur egun, hiriburuan etxebizitza batek metro koadroa 5.200 eurotik gora balio du eta urtebetean %25 egin du gora prezioak, Etxebideren arabera.
“Ez diogu inori ezer zor eta etxetik bidali nahi gaituzte –salatu dute udaletxean lagun eta senideek babestuta–. Diru horrekin baina, ezin dugu ezer erosi Donostian. Donostiarrak gara, baina Donostiatik bidaltzen gaituzte”. Eraikina jadanik hesiz inguratuta dago eta oinezkoentzako pasabide korapilatsu batez soilik iritsi daiteke bertara.
Egoera horretan, etxerik gabe geratuko den adineko emakume batek bere kasua azaldu du: "Bakarrik nago, operatu egin zidaten eta pintzamenduak eta ziatika jasaten ditut. Laguntza behar dut medikura joateko eta bizilagunek egin behar izaten dizkidate erosketak. Nahi nukeena da hori konpontzea".
Periferian bizi izanagatik ere, herritar bezala erantzun bat eskatzen dute gertuko instituzio eta agintarien partetik, eta aldarrikapena mahai gainean jarri dute: “Etxebizitza kenduko digute, eta etxebizitza da exijitzen duguna”.
Agerraldiaren bideoa:
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.