Emakumeak borrokan

Donostia: Kultura feministaren akuilu

  • Astelehenarekin hasi eta larunbatera arte egingo dute Feministaldia, kultura feministaren inguruko jardunaldiak, Donostian. Makina bat ekimen antolatu dituzte: besteak beste, bideo-emanaldiak, solasaldiak eta tailerrak.

Saioa Alkaiza Guallar @SaioaAlkaiza
2013ko abenduaren 09a
Feministaldiako aurtengo afixa.

Plazandreok emakumeen plataforma politikoak antolatuta, zortzigarren edizioa da aurtengoa. 'Belaunaldiartean: tentsioa-ihesa-amodioa' leloa aukeratu dute jardunaldiak aurkezteko. Ekimen guztiak Easo kaleko 2016 gunean eskainiko dituzte.

Egitaraua, egunez egun

Astelehenarekin, Inmaculada Salinas sortzaileak berak egindako obren inguruan hitz egingo du Narrazioak izeneko solasaldian, 18:00etan.

Asteartean, bi proiektu aurkeztuko dituzte: Maria Ptqk eta Gender Art Net. Biak ala biak, genero eraikuntzaren inguruko egitasmoak. 18:00etatik 21:00etara.

Ostegunean, Las Muertes Chiquitas (Heriotz txikiak) Mireia Sallarésen bideo-sorkuntza proiektatuko dute. ‘Heriotz txikiak’ Mexikon, lagunarteko giroan, orgasmoen inguruan hitz egiteko erabiltzen duten eufemismoa da. Horregatik, Sallarések sexualitatearen gaia darama pantailara, baina ez hori bakarrik. Hainbat kontzepturi buruzko hausnarketa baita lana: orgasmoa, mina, plazera, boterea, indarkeria eta emakumeen erailketa ere azaltzen dira.

Ostirala eta larunbata, egun beteenak

Jardunaldiei amaiera emateko, ekimenez mukuru daude azken bi egunak —Egitarau osoa, Feministaldiaren webgunean aurki daiteke—.

Ostiralean, El vuelo de Dora Salazar dokumentala, Consonni egitasmoaren eta Enjambre emakumeek egindako komiki bildumaren aurkezpenak eta komiki tailerra eskainiko dituzte.

Komiki ikastaroa da eguneko ekimenik garrantzitsuena. Izan ere, Susanna Martin marrazkilariak komiki bat sortzeko oinarrizko urratsak azalduko ditu ‘Komiki bat ez da lau ordutan burutzen’ izenburupean.

Azken egunean, larunbatean, alegia, honako hauek dira prestatu dituzten ekimenak: 'Las Muertes Chiquitas'en harira antolatutako tailerra, antzerkiaren inguruko hitzaldia Arantxe Iurreren eskutik: ‘Emakumea arte eszenikoetan XX. Mendean' eta La maison des Babayagasen aurkezpena.

La maison des Babayagasen aurkezpena da larunbateko ekintza interesgarrientako bat. Proiektuan adineko emakumeak bildu dira, elkartasunean eta autogestioan oinarritutako bizimodu bat garatzeko asmoz. Dominique Doréken eskutik.

Artistei eta ekitaldie buruzko informazio gehiago jardunaldien webgunean topa daiteke.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Kultura  |  Euskalgintza  |  Generoa  |  Donostia

Feminismoa kanaletik interesatuko zaizu...
2019-04-21 | Amaia Lekunberri
Garazi Albizua. Sorkuntza bizibide
"Ni ez nengoen literaturan, beraz zein nintzen ni? Hutsune horrek tristetu ninduen"

Komikigintzan zein literaturan aritua da Garazi Albizua (Santurtzi, 1985). Nola egiten dute dortokek? (2015, Denonartean) eta Kemena (2018, Denonartean) lanen egilea dugu, eta egun Ahire Munduak zientzia fikziozko trilogian dihardu lanean. Honen lehen atala, Izadia (2018, Denonartean), kalean da dagoeneko. Idazketaz gain, tailer eta ikastaroak ere gidatzen ditu.


2019-04-17
Emakumeak arraunean
MULTIMEDIA - bideo herrikoia

Emakumeen arraunari buruz Ondarroako institutuko DBH3ko ikasleek osatutako bideoa.


2019-04-14 | Haizea Nuñez
Zuriketa moreari talka

2018ko otsailaren 2an kazkabarra gogor jotzen ari zen Donostiako kaleetan. Euskal Herriko Mugimendu Feministak martxoaren 8ko greba feministaren deialdia egiteko agerraldi publikoa abian. Garai bateko Tabakalerako zigarrogileen borrokari aitortza zen hura: dozenaka emakumek*, hedabideak lekuko, espazio publikoa okupatu genuen eta, berehala, algara oztopatzeko nahian, kultura garaikideen nazioarteko zentroko segurtasunekoak eta arduradun batzuk hurbildu ziren baimenik gabeko plaza hartze hura... [+]


Oier Araolaza
"Ikuspegi gezurti baten arabera, emakumeek ez dute tradizioz dantzatu izan"

Euskal dantza tradizionalaren iragana eta oraina ulertzeko ezinbesteko ahotsa da Oier Araolaza dantzari eta antropologo eibartarrarena. Martxoan Erandiora egindako bisita baliatu genuen beragaz elkartzeko


2019-04-05 | Amaia Fernández
Zaintzako langileen borrokak mahaigainera atera ditugu
MULTIMEDIA - erreportajea

Bilbon antolatu genuen mahainguruan zaintzari lotutako lau sektore prekarizatu feminizatuetako langileek hartu zuten hitza: Arantza Arrien baserritarra, Silvia Rivas etxeko langilea, Soraya Garcia zaharren egoitzako langilea eta Elena Vasconez hoteletako garbitzailea. Bakoitzak bere sektoreko egoeraz eta borrokaz hitz egin zuen. Hemen duzue laburpen bideoa.

 


Lurrak iraun dezan bizimodua eraldatzen dute baserritarrek

Natura, urbanismoa, uraren kudeaketa, basogintza, lana, turismoa, nekazaritza ekologikoa eta euskara. Baserritik ikusten du mundua Arantza Ugaldek, gogoetan ahobizia den emakumea. Ba ote dago borrokan jarraitzea baino beste irtenbiderik?


2019-04-02 | ARGIA
Claudia Vera Peruko ekintzaile transexuala tiroz hil dute

Martxoaren 30eko larunbat goizaldean, Transexualen Ikusgarritasunaren Nazioarteko Egunaren bezperan, kalean tirokatu zuten.


2019-04-01 | Uztarria
Noka hitzetik hortzera, Emakumeen Txokoan egin dituzten jardunaldietan

Hitanoa, emakumeak ahalduntzeko tresna izenburupean, egun osoko jardunaldiak izan ziren atzo, zapatua, Emakumeen Txokoan.


2019-03-25 | Itzea Urkizu
Fatimetu Zenan: "Feminista naiz, baina feminismo unibertsala nahi dut, eta ez eremu jakin batera mugatutakoa"

Saharar errefuxiatuen kanpamenduetan jaio bazen ere, Fatimetu Zenan (1999) haurra zela iritsi zen Euskal Herrira; Bermeora, lehenik, eta Ikaztegietara, gero. Joan den martxoaren 8ko indar kolektiboa dario, oraindik, bere hitzei, eta feminismoa urte, herrialde, klase eta pertsona guztiengana iristeko modua aurkitu nahi du. Emakume sahararren nortasuna eta garrantzia plazaratzeko eguna antolatu dute bihar, herrian.


Azkenak
EGILEA
Eguneraketa berriak daude