Manex Pagolaren hitzaldi-kantaldiak irekiko ditu 'Otsail Ostegunak' Donapaleun
Otsailaren 2an Manex Pagolak emango duen mintzaldiarekin abiatuko da Amikuzeko euskaltzaleen klasiko bat den 'Otsail Ostegunak' multzoa, ondoren ekarriko dituena Anuntxi Arana, Unai Paskual eta Samara Velterenak. Tartean, Amikuzeko inauteriak bitan banatuak: 4an Santibate gaua eta 19an Libertimendua. Eskualdeko elkarte euskaltzaleak biltzen dituen Zabalik da antolatzailea.
Zabalik elkarteak urtero antolatzen dituen lau hitzaldietan lehen ostegunekoa, 2koa, berezia izango da, antolatzaileen esanetan: "Manex Pagola, bizi bat kantuen sortzen. Landibarretik Euskal Herrirat, 100 kanturen altxor eskainia. Manex Pagolarekin gaupasa, kantuz eta solasean. (...) Gaualdi hortan, Manex bere gitarra besapean gure artean dukegu. Kondatuko dauzkigu bere kantuak nola sortzen dituen, zertan inspiratzen den, eta kantu bakoitzaren gibeleko ixtorioa ere salatuko dauku artetik. Eta bixtan dena, kantatuko ditugu!".
Otsailaren 9an Anuntxi Arana antropologoak hitz egingo du Donapaleun: "Euskal mitologia: zeren eta zertarako. Gure mitoek zer diote eta guhaurek zer diogu beraietaz". Hurrengoan, 16an, Unai Paskual, ekonomia ekologian doktorea: "Ekonomia ekologikoa: justiziazko trantsizio baterako. Krisi ekologikoa eta ekonomikoari nola buru eman". Eta 23an Berria-ko kazetari Samara Velte mintzatuko da: "Kurduak: ekialde hurbileko estokan hartuak. Siria, Irak eta Turkia artean, nolako gerla darabilten".
Amikuzen, ordea, ez da otsailik Libertimendu gaberik. 4an, larunbata, Santibate inauteri gaua egingo dute Donapaleun kalez kale eta ostatuetan eskean eskualdeko gazteek eta 19an, igandea, Libertimendua kale-herri antzerkia, Amikuzeko bezala Euskal Herriko eta mundu osoko aktualitateak eta pertsonaiak urtero larrutzen dituen maskarada handia.
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
