DIA supermerkatuetako langileen greba masiboa Bizkaia eta Gipuzkoan, prekarietate eta kaleratzeen aurka
Otsailaren 27an eta 28an grebara deituta zeuden DIA supermerkatu kateko langileak Bizkaian eta Gipuzkoan, ELA eta LAB sindikatuek deituta. Balizko Enplegu Erregulazio Espedientearen aurka eta lan baldintzak hobetzea eskatzeko, jarraipen zabala izan du mobilizazioak.
Espainiako Estatu osoan 2.100 laguni eragin diezaiokeen espedientea ireki zuen berriki DIA-Twins enpresak. Horren aurrean langileak kalera atera dira eta Bizkaian eta Gipuzkoan grebara jo dute asteazken eta ostegunez. Multinazionalak egindako finantza eragiketen zama eurengan jartzen ari direla uste dute langileek, "arazoa zuzendaritzak sortu" duenean.
"Egoera erabateko esplotaziozkoa da: ordutegi aldaketa etengabeak, lan karga izugarria, bajarik ezin hartu kaleratua izateko beldurrik gabe...", diote langileen ordezkariek. Euren etorkizuna bermatu eta lan baldintza prekarioekin amaitzeko greba deialdiak arrakasta handia izan duela jakinarazi dute sindikatuek, batez ere Bizkaian, eta Gipuzkoan ere jarraipena handia izan da. Denera 500 lagunetik gora ari dira DIArentzat lanean lurralde horietan, gehienak emakumeak.
Bestalde, ELAk eta LABek eskatu dute Euskal Herriko errealitate sindikala errespetatu dezatela eta Estatu mailako negoziazio mahaitik kanpo utziaz jasaten ari diren bazterketarekin amaitzeko eskatu dute. Gauza bera egin dute Aragoiko OSTA eta Galiziako CIG sindikatuek. Mahai horretan soilik CCOO, UGT eta Fetico sindikatuekin eseri da konpainiako zuzendaritza.
"Eskatzen dugu berton analiza eta negozia daitezela krisi honetara eraman duten arrazoiak, harik eta irtenbiderik egokiena erabaki ahal dadin. Hau demokratikoa ez ezik DIAko langileen aldeko defentsarik hoberena litzateke. Madrildik sekula ez da ezer onik etorri", adierazi dute sindikatu abertzaleek. Zentzu horretan, mahai horren osaketa iruzurtzat eta ilegaltzat jo dute.
Hurrengo greba eguna martxoaren 5ean dute eta gauzak konpodu ezean martxoaren 11tik aurrera greba mugagabeari ekingo diote.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]