Deustuko Unibertsitateak Adrian Almazán irakaslea arrazoi ideologikoengatik kaleratu duela salatu du Steilasek

  • Almazán 2020-2021 ikasturtean hasi zen lanean, eta ikasturte honen hasieran kanporatu du Deustuko Unibertsitateak. Steilas sindikatuak salatu du unibertsitateak arrazoi argirik ez diola eman Almazáni, eta kapitalismoarekiko ikuspegi kritikoa izateagatik eta herrigintzan militatzeagatik kaleratu dutela.

Argazkia: deustu.eus

2021eko urriaren 22an - 06:09

Irakasle laguntzaile doktore gisa kontratatu zuen Deustuko Unibertsitateak Almazán, Gizarte eta Giza Zientzien Fakultateko Etika Aplikatuko zentroan. Steilas sindikatuak nabarmendu du iragan ikasturtean normaltasunez lan egiteaz gain, unibertsitateak “ebaluazio bikainarekin” baloratu zuela Almazánen ikerketa lana. Ikasturte honen hasieran kaleratu du irakaslea Deustuko unibertsitateak, “bakarrik ahoz emandako eta erakundera edo arduradunen eskakizunetara ez egokitzeari buruzko justifikazio lausoak alegatuz”. Steilas sindikatuko kide da Almazán.

Kaleratzearen arrazoiak bestelakoak dira Steilasen arabera, ordea: “Gertatu dena da Deustuko Unibertsitateari ez zitzaizkiola gustatzen Adrianen teknologiarekiko eta kapitalismoarekiko ikuspegi ikertzaile kritikoa, ezta hainbat mugimendu sozial eta ekologistetan zuen militantzia aktiboa ere. Edota Adrianen ukoa unibertsitate-erakunde batenak baino merkataritza-erakundeenak ziruditen eskakizun instituzionaletara makurtzeari”.

Prekarizazioaren erakusle

Sindikatuaren esanetan, Almazánen kaleratzea erabaki “oso larria” da, eta “pentsamendu, katedra eta ikerketa askatasunaren” aurkakoa. Unibertsitateko irakasle eta ikertzaileek –“bereziki unibertsitate pribatuetan”– bizi duten egoera prekarioaren erakusgarritzat jo du gertatua: “Urtero berriztatu beharreko obra eta zerbitzu kontratuekin, inolako justifikaziorik aurkeztu beharrik gabe erraz eta merke hautsi daitezkeenak”. Unibertsitatearen pribatizazioa sakontzen ari dela eta horrek prekarizazioa areagotuko duela ohartarazi du sindikatuak.

Ekologistak Martxanen elkartasuna

Ekologistak Martxaneko kide da Adrian Almazán, eta talde ekologistak oharra plazaratu du bere kaleratzea salatuz eta elkartasuna adieraziz: "XXI. mendeko erronka ekosozialei aurre egiteko katedra-askatasuna eta pentsamendu kritikoa funtsezkoak dira". Elkartasun adierazpen gehiago ere izan dira, hala nola energia eta deshazkunde gaietan aditu den Antonio Turielena.


Kanal honetatik interesatuko zaizu: Lan eskubideak
Tubos Reunidos enpresako sindikatuek salatu dute amiantoa agertu dela labe batean eta zenbait egunez lana ez zela gelditu

Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.


Greba mugagabean daude Gasteizko Udaleko autobus zerbitzuko langileak

Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.


2023-12-11 | ARGIA
Astebeteko grebari ekin diote Araba, Bizkaia eta Gipuzkoako eskola erlijiosoetan

Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.


2023-11-27 | Hala Bedi
Michelinek 150 langile kaleratzeko mehatxua egin du

Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.


Bost hilabetez kobratu barik egon ostean, Bizkaiko Correoseko langileek greba mugagabea abiatu dute

Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]


Eguneraketa berriak daude