Irailaren 1ean izango da Legutioko Zentro Sozialistaren hustearekin lotutako lehen epaiketa. Fiskaltzak 13 hilabeteko espetxe zigorra eta guztira 3.600 euroko isunak eskatu ditu auzipetutako bi gazteentzat.
Legutioko Hotela duela ia 20 urte eraiki zuten, baina urte askoan hutsik egon zen. Horren aurrean, 2019an gazte talde batek eraikina okupatu eta Desjabetuen Hotela sortu zuen, “prozesu sozialista indartzeko oinarrizko azpiegitura” izango zena.
Hasieratik, Legutioko Zentro Sozialista “arrisku egoeran izan zen, eta hainbat prozesuren ostean, 2022ko ekainaren 28an hustu zuen Ertzaintzak. Hainbat gazte bildu ziren espazioa defendatzeko, eta Ertzaintzak haietako batzuk zauritu eta 18 eta 21 urteko bi gazte atxilotu zituen. Gainera, polizia autonomikoak hainbat zauritu eragin zituen.
Urtebete baino gehiago igaro ondoren epaituko dituzte bi gazte atxilotuak, ostiralean. Desjabetuon Hotelak eta Langile Kontrolpeko Espazioen Defentsa komunitateak bien zigor eskaerak jakitera eman dituzte: Fiskaltzak 13 hilabeteko espetxe zigorra eskatu du bakoitzarentzat, isunetan 3.600 euro ordaintzearekin batera.
Irailaren 1ean Gasteizko epaitegietan elkarretaratzea deitu du Mugimendu Sozialistak, 10:30ean.“Langile kontrolpeko espazioen defentsaren aurkako erasoa” salatu du, eta "ofentsiba honi erantzutea inoiz baino beharrezkoagoa" dela aldarrikatu dute.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]