Debako ikastetxeetan soluzioak eskatzeko sinadura bilketa abiatu dute gurasoek
Iazko ikasle kopuru bera (23 gazte), iazko ikasgelan, gutxieneko distantzia bermatu ezinik. Alabak bizi duen egoera horrek abiatu zuen Ainara Aranberriren borroka: administrazioari baliabideak eskatzeaz gain, soluzioak eskatzen ditu ikastetxean ere, eta irakasle, ikasketa-buru, zuzendari eta ikuskariarekin arrakastarik gabe hitz egin ostean, Debako guraso talde bat batu da borrokara. Kanpo espazioak erabiltzea, Oiongo eskolan bezala ratioak txikitzeko formulak aurkitzea, talde egonkorrak osatzea eta aire zabaleko jardueretan haurrek maskara kentzea eskatzen dute, besteak beste. Sinadura bilketa martxan dute.
Ainara Aranberri gurasoak kontatu digunez, Oiongo eskolako erreportajeak ireki zizkion begiak: hara deitu zuen, ikasketa-buruarekin hitz egin zuen, eta “gauzak beste era batera egin daitezkeela” ikusi zuen. Hori kontatu zuen bere alabaren ikastetxean, baina “ezinezkoa da erantzunarekin egin dut topo behin eta berriz”.
“Distantzia bermatzen ez bada, maskara uneoro jantzi eta kito”
Ikuskariarekin ere elkarrizketa surrealista izan zuela kontatu digu: “Ikasleen artean metro eta erdiko distantzia bermatzen ez den ikasgelan aritzea legala al den galdetu nion; hark esan zidan baietz, legala dela, ez daudela derrigortuta ratioak jaistera eta distantzia bermatzen ez bada, maskara uneoro jantzita eraman behar dutela. Orduan, gehitu nuen nik, metro eta erdiko distantzia bermatuta dagoenean, ez dute maskara jantzita eraman behar? Kasu horretan ere, maskara behar dutela adierazi zidan”.
Pandemia garaian eskolan beste funtzionamendu bat behar dela ikusita, Aranberri eta beste hainbat guraso elkartu dira, eta sinadura bilketa abiatu dute, Debako Luzaro eta Mendata ikastetxeei eskaera zehatzak eginez. Bizikidetza talde egonkorrak nahi dituzte maila guztietan; ziklo guztietan kanpo espazioen erabilera aldarrikatzen dute; aire zabaleko jardueretan maskara kendu ahal izatea eskatu dute, segurtasuna bermatuz; jardunaldi trinkoaren aldekoak dira (beti ere, jangela zerbitzua eta ikastetxeko sarrera-irteera ordutegi bera mantenduz, kontziliazioari begira); eta gelako ratioak jaistea aldarrikatu dute: “Kasuak kasu, gehienez gelako 15 ikasleko ratioak nahi ditugu”.
Egindako presioari esker, ikastetxeotan mugimenduak nabari direla kontatu digu Aranberrik, irakasle batzuek agertu dutela kanpoko espazioetara ateratzeko asmoa, baina neurri gehiago biltzen ditu gutunak. Horregatik, sinadurak biltzen jarraitzen dutela eta ikastetxeek norabidea alda dezaten sinadura gehiago behar dituztela dio guraso taldeak.
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]