'De Miguel' auziko defentsa akordio bila dabil, erruduntasuna onartzearen ordainetan

  • Alfredo de Miguel Arabako EAJko buruzagi ohia, De Miguel auziko akusatu nagusia eta ustez iruzurra egiteko enpresa-sarearen burua, astelehenean zen deklaratzekoa. Baina ez du egingo. Bi astez atzeratu egin da epaiketa, defentsa fiskalarekin akordioa lortu nahian dabilelako.


2018ko irailaren 17an - 12:27

26 lagun daude auzipetuta De Miguel auzian, Euskal Herrian sekula epaitu den ustezko iruzur kasurik handienean, horietako gehienak Arabako EAJri lotuak. Orain arte lekuko eta perituek deklaratu dute, baina udako etenaldiaren ondoren auzipetuen txanda zen eta ikusmin handia zegoen zer esango ote zuten, epaiketan zehar kontraesan ugari agertu baitira eta haien kontrako froga eta akusazio irmoak egon direlako, tartean Ainhoa Alberdi lekuko nagusiarenak.

Auzipetuen abokatuak –horietako asko alderdi jeltzalean izen eta esperientzia handikoak– saiatu dira lekukoen eta perituen lana ezbaian jartzen, baina ez dirudi halakorik lortu dutenik eta orain akordioa bilatu nahian dabiltza Josu Izaguirre fiskalarekin, erruduntasuna onartzearen truke euren kontrako zigorra jaitsi dadin.

Fiskala oso zorrotz aritu da epaiketan eta eskaera gogorra egin du hasieratik: De Miguelentzat 54 urteko kartzela eta gainerakoentzat 32 eta 4 urte artekoak. Dirua zuritu, legez kanpoko komisioak jaso eta hirigintza operazioekin iruzur egitea egozten diete.

Luze jo du epaiketak. Hasiera batean deklarazioen fasea urrian amaitzea espero zen, baina 150 lekukok eta 20 perituk hitz egin ondoren, gutxienez azaro amaiera arte ez amaitzea espero da orain. Gero epaimahaiaren deliberazio fasea etorriko litzateke, eta epaia udaberrian, udal eta foru hauteskundeen bezperetan. Auzian nahastuta daudenek jadanik ez dute EAJren karnetik, baina motxila pisutsuegia suerta liteke kanpaina egiteko.


Kanal honetatik interesatuko zaizu: Ustelkeria
EAJk Mundakako bere alkatea presionatzen zuen, udaleko idazkariaren gainetik aritzeko

Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]


Ustelkeriaren normalizazioa

904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]


Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


Eguneraketa berriak daude