Abad ministro frantziarrak bortxatu egin zituela salatu dute bi emakumek
Frantziako presidente Emmanuel Macronek pasa den ostiralean eman zituen ezagutzera Gobernu berria osatuko duten kideen izenak. Tartean da Damien Abad, Elkartasun, Autonomia eta Pertsona Minusbaliatuen ministro berria. Bi egunera, bi emakumek haren aurkako salaketa jarria dutela argitaratu du Mediapart egunkari digitalak.
Emakume batek salatu zuen, 2010ean, taberna batean edaria eskaini ziola Abadek eta horren ondoren konortea galdu zuela. Biharamunean hotel bateko gelan esnatu zela, Abaden alboan.
Beste emakume batek, ustez, 2011n, sexu-harremanak izan zituen Abadekin, eta emakumeak onartu ez zituen hainbat praktika egin zituen ministroak. 2017an jarri zuen salaketa, baina ikerketa bestelako izapiderik gabe itxi zen, Mediapart egunkariaren arabera.
Agerkari digitalak jakinarazi duenez, politikaren esparruan gertatzen diren Sexu Indarkerien Behatokiak salaketa horien inguruko txostena bidali zien maiatzaren 13an Fiskaltzari, baita Errepublikarrak eta Errepubliko Martxan alderdiei ere.
Abadek ukatu egin ditu akusazioak; adierazi du ezinezkoak zaizkiola praktika horiek egitea, artikulazioak blokatzen dizkion ezintasun fisikoa duelako.
Bestalde, Élisabeth Borne lehen ministroak adierazi du ez zekiela deus, baina justiziak bere bidea berraktibatzen badu, litekeena dela ondorioak izatea. Damien Abad ministro izendatzeak eman du zeresanik, Errepublikarrak alderdiko presidentea baitzen Asanblada Nazionalean. Areriotzat duen alderdiaren Gobernuko kide izateak oihartzun berezia izan du, hortaz.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]