"Paisaia sentimentala" jaioterrian, Altsasun, kokatu du idazleak poema liburua. 60 poemez osatutako Irauten liburua argitaratu berri du Castillo Suarez idazle altsasuarrak. Lau ataletan hamabosna poema agertzen dira. Egun bakoitzean bi poema idatzi dituela esan du idazleak. Eta poemen arteko lotura zuhaitzek egiten dute. Izan ere, jaioterrian kokatu du bere azken liburua Suarezek. Inguruko paisaiaren berri ematen du.
Azalean iratze bat agertzen da Irauten Suarezen lan berrian. Poemetan islatu duen Altsasuko basoen adierazlea da iratze hori. Liburua "irautearen inguruko liburu bat" dela azaldu du Suarezek. Galera edo abandonu baten ondoren gelditzen direnei eta irauten duten horiei buruzko liburua dela esan du. Elkar argitaletxeak kaleratu du.
Zazpi urte eta erdi pasa behar izan dira Suarezen lan berria irakurtzeko. Idazleak azaldu duenez, liburu on bat irakurri duenez idazle bati pasa dakiokeen gauzarik makurrena kaxkarrago bat idaztea da. Eta idazten zuenak ez omen zeukan nahikoa mailarik. Irauten "kasualitatez" idatzi zuen arte.
Albiste hau Guaixek argitaratu du eta CC-by-sa lizentziari esker ekarri dugu ARGIAra.
Araba, Bizkaia eta Gipuzkoako liburutegietan 2,7 milioi mailegu egin ziren 2023an, 2018an baino 100.000 inguru gehiago.
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]