Busturialdeko 18 grebalari epaitegian
Fiskalak akusatuentzat 3 eta 9 hilabeteko kartzela zigorra eta 6.000 euroko isuna eskatzen du 2011ko urtarrilaren 27ko greba orokorrean Gernika-Lumon izandako gertakari baten harira.
Arkaitz Zarraga, akusatuetako bat, epaitegira sartu aurretik Info7 Irratian izan da: “Ez dakigu zer leporatzen diguten, akusazioak ez duela ez frogarik aurkeztu eta testigu bezala komisaldegian zeuden bi polizia soilik aurkeztu dituzte”.
Sindikatuek azaldu dutenez, ogi banatzaile batek salaketa jarri zuen ogia banatzen ari zela bere autoak kalteak jasan zituelako. Orduan Ertzaintza bertara inguratu eta “pasa zen lehen pikete informatiboa gelditu eta 18 kide identifikatu zituzten”.
Arantza Fernandez de Garaialde EILASeko kideak, herenegun prentsaurrekoa eskaini zuen ELA, LAB, ESK, STEE-EILAS, EHNE eta HIRU sindikatuen izenean. Bilboko Branka atariak jaso dituen adierazpenetan irakur daitekeenez, “kriminalizazio prozesu iraunkor bat” jasaten ari direla salatu zuten, “krisi garaian hartu dugun jarrera” dela eta.
Prozesu judizialarekin gizartea “desmobilizatu” nahi dutela azaldu zuen Fernandez de Garaialdek.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]