Frackingarekin lotutako proiektuak EAEko aurrekontu proposamenetik kanpo
Eusko Jaurlaritzak 2016rako aurrekontu proiektutik ezabatu du SHESA enpresa publikoak Burgos iparraldean, Angosto-1 izeneko baimen-eremuan, egin gura dituen hidrokarburo esplorazioaren aipamena. Hala, hidrokarburo ez-konbentzionalak aurkitzea espero den eremu guztietan datorren urtean lanik egingo ez dela aditzera eman du Lakuak, egun batzuk lehenago Enara Handia eremuari buruzko aipamena ere kendu eta gero –eremu horri dagozkio Subilla Gasteizen egitekoak ziren zundaketak– .
PSEko José Antonio Pastorrek eta Susana Corcuerak iragarri zuten Enarako proiektuak aurrekontuetatik kanpo geratuko zirela, EAJk eta PSEk haien inguruan egindako akordioaren testuinguruan. Nonbait, Jaurlaritzak aurkeztutako proiektua babesteko sozialistek ipinitako baldintzetako bat zen frackingerako dirurik ez bideratzea.
Bai Enara bai Angosto-1 eremuetan hidrokarburo ez-konbentzionalak aurkitzea espero du SHESA sozietate publikoak. Hidrokarburo mota hori erauzteko, gaur-gaurkoz, ezinbestekoa da frackinga erabiltzea. Horrek talka egingo luke, noski, ekainean Eusko Legebiltzarrak onartu zen frackingaren legearekin, debeku esplizitua ezarri gabe de facto teknika hori baliatzea eragozten duena.
PSEren haserrea, Fracking Ez-en ironia
Lege horrek ez die eragiten Angosto-1eko eremuko prospekzioei, EAEtik kanpoko lurretan egitekoak baitira. Edozelan, PSEko hainbat kideri ez zitzaien ondo iruditu hasiera batean Enara Handiko proiektua baizik ez kentzea aurrekontu proposamenetik, eta zenbait elkarrizketa pribatutan adierazi zuten luze gabe etorriko zela Angosto-1eko proiektua ere ezabatzea, hala izan denez.
Fracking Ez plataformaren iritziz, adierazgarria da legea bete edo ez betetzea aurrekontuen negoziazioaren menpekoa izatea. Eusko Jaurlaritzak frackingaren legea saihesteko darabiltzan amarruak salatu dituzte 100.000 sinadura bilduz araua abiarazi zuten Herri Ekimen Legegilearen sustatzaileek.
Hidrokarburo konbentzionalak besterik ez
Jaurlaritzako Ekonomia Garapen Sailak behin baino gehiagotan adierazi du ez dagoela EAEn “fracking egitasmoez” hitz egiterik, prozedura guztiak esplorazio fasean baitaude, eta beraz ezin baita segurutzat jo zundaketetan agertuko dena ustiagarria izango den eta, izatekotan, horretarako frackinga erabiltzea derrigorrezkoa izango ote den.
Nolanahi, Lakuak onartzen du aurreikus daitekeela zer hidrokarburo mota agertuko de eremu bakoitzean. Hala, hidrokarburo ez-konbentzionalak egongo direla –eta hortaz, etorkizunean frackinga erabiliko litzatekeela– uste den eremu bien aipamenak kendu dituzte 2016ko aurrekontu proiektutik, baina hidrokarburo konbentzionalak –ohiko tekniken bidez erauzten direnak– egon litezkeen beste lau eremutako lanekin jarraitzeko asmoa du Jaurlaritzak. Baliteke, haiek esandakoari jarraiki, ustekabean ez-konbentzionalak agertzea gune horietan.
Itsasoko prospekzioak mantentzen dira
Bestalde, ingurumen inpaktu handiak aurreikusten dira horietako zenbaitetan. Kantauri itsasoan dauden Fulmar-1 eta Pelicano-1 guneetan aurreikusitako zulaketek, esaterako, eragin negatiboa izan dezakete uraren kalitatean, arrantzan, biodibertsitatean eta abar, istripu arriskua ez aipatzearren.
Espainiako Gobernuak 2014an eman zuen aldeko Ingurumen Inpaktu Adierazpena Fulmar-1 eta Pelicano-1 baterako. Eusko Jaurlaritzak aurkeztu duen aurrekontu proiektuan azaltzen denez, 2016rako helburua da eremua ustiatzeko baimena berritzea, 2015eko urtarrilean iraungi baitzen.
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.