Bozketa saihestu eta 49.3 artikuluarekin pasako du erretreten erreforma Macronek
Goizean senatariek alde bozkaturik, Frantziako Gobernuko ordezkariak batu dira ostegun arratsalde honetarako diputatuen bozketei buruzko aurre-kalkuluak egiteko. Emmanuel Macron eta Elisabeth Borne Lehen ministroaren erabakia jakin berri dugu, saioa hasteko minutu gutxi eskas zituztela: ez dute arriskurik hartuko erreforma bozkaraziz, hots, Konstituzioko 49.3 artikuluari esker pasaraziko du erreforma. Erantzun gisa, zentsura mozioak aurkeztuko ditu oposizioak.
Langile sindikatu guziak dira erretreten erreformaren aurka borrokan, herritarren gehiengoa ere da aurka (%32aren sostengua du erreformak, Ifop-en azken galdeketaren arabera) eta diputatuen aldetik ere botoa ez zuen segurra. Baina, erreforma bai ala bai pasatzeko posturarekin jarraituz, eztabaida eta demokraziaren sinonimo den bozketaren bidea saihestea erabaki du Frantziako Gobernuak: Konstituzioaren 49.3 artikuluari esker pasako du erretreten erreforma –bozketa saihesteko bidea dakar artikulu horrek–. Oihu eta txistu artean eman du erabakiaren berri Elisabeth Borne Lehen ministroak:
Arratsalde honetan zuten testua bozkatzekoa diputatuek, eta lehia oso estua aurreikusten zuen Olivier Dussopt Lan ministroak: gehiengoaren babesa ez zuen segurtatua, eta bai ala bai eskuineko LR Errepublikanoak diputatuen babesa beharko zuen erreforma pasatzeko. Gauza da, eguerdi honetan Macronen inguruko talde politikoek egindako kalkuluei segi sostengu hori ez zuela argi. LR Errepublikanoak taldeko 61 diputatuetatik hogei inguruk dute argiki adierazi aurka bozkatuko luketela, beste hamar batek ez dute beraien botoa argitu. Arriskutsuegia gobernuarentzat, berme hori gabe ezinezkoa duelako erreformaren bozketa.
Matematikoa da kontua: Legebiltzarreko 577 diputatuetatik 250 dira Macronen ingurukoak –170 bere alderdikoak eta beste 80 zentrista–, beraz, beste 39 boto beharrezkoak ditu gehiengoa lortzeko. Ez ditu ezkerrean jasoko, ezta ere eskuin muturrean, eta LR eskuinaren partetik behar ditu 40 bat boto –jakinik, Macronen aldeko bakar batzuk testuaren aurka bozkatuko dutela, edo abstenituko direla–.
Ez zaio nahikoa izan beraz, bezperan CMP batzorde misto paritarioak erreformaren azken bertsioari bideraturiko babesa: hamalau parlamentarietatik hamarrek alde bozkatu dute –tartean direla LReko lauak–. Horretara heltzeko eskuineko emendakin ia guziak onartu zituzten Macronen aldeko ordezkariek. Lasaitzea ekarri zion, duda gabe, gobernuari bozketa horrek, nahiz eta ez zaion nahikoa izan. Senatuan, haatik, babes zabala jaso du erreformak martxoaren 16ko goizean: : 193 alde, 114 aurka eta 38 abstentzio.
Azken oztopoa: zentsura mozioa
49.3 artikuluaren erabilpenak dakar oposizioak zentsura mozioa aurkezteko duen aukera. Oraingoz badakigu ezkerrak aurkeztuko duela bat, eskuin muturrak ere bai, eta babes anitzagoa jasoko lukeen hirugarren bat ere aurkeztu du Liot oposizioan dagoen talde zentristak –jakin izan denez, LR Errepublikanoak taldeko batzuk babestuko lukete testu hori–.
Zentsura mozioak gehiengoaren bozketa balu orduan gobernua eroriko litzateke eta berriz ere izanen lirateke Legebiltzarrerako hauteskundeak. Nola ez, ezker muturrak eskuin muturraren sostengua beharrezkoa du eta gauza bera Marine Le Penenentzat, bere zentsura mozioa ez da pasako ezkerraren sostengurik gabe. Erretreten erreformari dagokionez, Le Penek jakitera eman du zentsura mozio guztiei sostengua adieraziko zuela, ezkerrak, ordea, ez du eskuin muturrari keinurik egin nahi. Hori horrela, izatekotan Liot zentristen bidea da emankorrena.
Bitartean, haserrea entzunarazten dabiltza milaka herritar, Legebiltzarraren aitzinetik:
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.