Bost euskal preso Euskal Herriratuko ditu Espainiako Gobernuak, Jaurlaritzarekin koordinaturik
Lexuri Gallastegi, Zigor Blanco, Gorka Lupiañez, Jose Maria Novoa eta Ion Troitiño dira Euskal Herrira hurbilduko dituzten euskal presoak. Joan den urritik EAEko espetxeetako eskumena Eusko Jaurlaritzarena da eta berak erabakiko du horietako bakoitza zein espetxera mugitu.
Ohar bidez jakinarazi dute Espainiako Gobernuko Espetxe Erakundeetatik beste bost euskal preso Euskal Herriratuko dituztela laster. Azaldu dutenez, lekualdaketa Eusko Jaurlaritzaren Justizia sailarekin “koordinaturik” egingo dute, “bakoitzaren eskumenen barruan”.
Zigor Blanco Asturiasen dago momentu honetan eta 2018ko martxoan bete zituen zigorraren hiru laurdenak; Lexuri Gallastegi Zaragozan dago eta 2031n beteko ditu hiru laurdenak; Logroñon dagoen Gorka Lupiañezek datorren urtean beteko ditu espetxe-zigorraren hiru laurdenak, Jose Maria Novoaren gisan; azken hau Leonen dago; Jon Troitiño ere Logroñon dago, eta hiru laudenak ez ditu 2040 urtera arte beteko.
Espainiako Gobernuak azaldu duenez,”dagokien” EAEko espetxera garraiatuko dituzte euskal preso horiek. Urritik Eusko Jaurlaritzaren eskumenekoak dira Martutene, Basauri eta Zaballako espetxeak. Justizia sailak, baina, oraindik ez du argitu horietako zein espetxera eramango dute preso bakoitza.
Hain justu, gaur bertan Etxeratek jakinarazi duenez, beste euskal preso bat hurbildu dute Euskal Herriko espetxe batera, Juan Karlos Herrador donostiarra, El Duesotik (Kantabria) Basaurira.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]