Bolsonarorekin lotutako bi polizia ohi atxilotu dituzte Marielle Franco feminista hiltzea leporatuta

  • Martxoaren 14an urtea bete da Marielle Franco feminista eta giza eskubideen aldeko ekintzailea Rio de Janeiron tiroz hil zutela. Hain justu, astelehenean atxilotu dituzte lehen bi susmagarriak, polizia militar ohiak biak, galdera ugari erantzuteke dituen ikerketaren barruan. Atxilotuetako batek Jair Bolsonaro presidente ultraeskuindarraren familiarekin lotura izateak gobernua ataka baten sartu du.

Axier Lopez @axierL
2019ko martxoaren 14a
Erdian Marielle Francoren omenezko ekitaldi bat eta bera hiltzea leporatuta atxilotu dituzten bi polizia ohiak. Irudia: Infonews

Brasilgo Rio de Jaineiroko erdigunetik auto batean zihoala tiroz hil zuten Marielle Franco, hiri hartako zinegotzia eta giza eskubideen aldeko ekintzailea. Francok, Partido Socialismo y Libertad alderdikoa, 38 urte zituen eta Brasilgo Gobernuak Rio de Janeiron izan duen esku hartze militarra gogor kritikatzeagatik nabarmendu zen; hain justu, hiri hartako Maré favela txiroan jaioa zen. 2016ko Olinpiar Jokoez geroztik sorturiko protesten ondorioz Poliziaren eta bestelako taldeen biolentzia etengabea jasan dute herritarrek Rio de Janeiroko toki askotan, eta Franco esku hartze militarra fiskalizatzeko komisioko errelatorea zen.

Ustezko hiltzaileak, polizia militar ohiak

Martxoaren 12an Río de Janeiroko Polizia Militarreko bi kide ohi atxilotu zituzten Marielle Franco hiltzeaz akusatuta. Francoren eta bere auto gidaria zen Anderson Gomesen hilketaren egile izatea leporatu diote Ronnie Lessari, eta Vieira de Queirozi kotxea gidatzea, Lessak 13 tiro egiten zituen bitartean. Autoa eta armak oraindik ez dituzte aurkitu.

Ikerketari jarraiki, Lessaren lagun baten etxean Poliziak 117 M-16 gerra-fusil aurkitu ditu, denak berriak eta egoera onean.

Marielle Francoren hilketan parte hartzeagatik atxilotu duten Elcio Queiroz polizia ohia eta Jair Bolsonaro elkarrekin, Queirozek Facebookera igotako irudi batean. Honezkero ezabatuta dago.

Bolsonaro presidentearekin loturak

Ikerketaren buruak jakinarazi duenez, Franco eta Gomesen hiltzailetzat jotzen duten Ronnie Lessa polizia ohiaren alaba Jair Bolsonaroren semerik gazteenaren neskalaguna izan da orain gutxira arte. Horrek alarmak piztu ditu eta politikari eta ustezko hiltzaileen arteko harremanari tiraka, argazki bat ere zabaldu da. Ustez autoa gidatzen zuen Elcio Veira de Queirozen Facebookera igotakoa da, eta han agertzen dira bera eta Jair Bolsonaro presidentea, irribarrez.

Paraguayra egindako bidaia ofizialetik bueltan, Jair Bolsonarok ondorengoa adierazi du: “Ikerketa hilketaren egileak harrapatzeko baliagarria izatea espero dut".  Gaineratu du bera ere izan zela atentatu baten biktima pasa den urtean, eta interes handia duela "ni hiltzea nork agindu zuen" jakiteko.

Gaur urtebete Marielle Franco hil zutenean, Bolsonaro izan zen presidente izateko hautagaien arten hilketa gaitzetsi ez zuen bakarra. Areago, Bolsonaroren semeetako batek gogor kritikatu zituen hilketaren atzean poliziak egon litezkeela adierazi zutenak.

Leticia Emile fiskalak jakinarazi du, Ronnie Lessak onartu duela bera atxilotzeko eta espetxeratzeko operazioaren berri eman ziotela gertatu aurretik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Brasil  |  Feminismoa  |  Eskuin muturra

Brasil kanaletik interesatuko zaizu...
Lute como Marielle

Martxoaren 14an urtea bete da Marielle Franco Rio de Janeiron tiroz hil zutela.


Hegoaldeko Mato Grosso, Bolsonaroren Gaza brasildarra

Mato Grosso do Sul estatuak irudikatzen du Jair Bolsonaro ultraeskuindarrak Brasilen ezarri nahi duen nazio asmoa. Soja eta okelaren esportatzaile nagusi izaki, beste inon baino bortitzagoak dira hemen lurraren erabileragatiko borrokak, zeinetan talka egiten duten alde batetik milaka urtez bertan bizi izan diren jatorrizko biztanleek eta kolonialismoak ekarritako beltz eta nekazari txiroek, eta bestetik agro-industriarekin aberasten diren lur harrapatzaile handiek.


2019-01-22 | ARGIA
Nork hil zuen Marielle Franco? Lekukoek Rio de Janeiroko polizia ohi bat identifikatu dute

Krimen antolatuarekin lotura zuen Rio de Janeiroko polizia agente ohi bat identifikatu dute Marielle Francoren hiltzaile gisa. Giza eskubideen aldeko politikari feminista martxoan hil zuten beste kide batekin batera. The Intercept hedabideak eskuratu duen txosten baten arabera, sei lekukok polizia ohia identifikatu dute hiltzaile gisa.


2019-01-15 | I˝igo Igartua
Boliviako gobernuak Cesare Battisti iheslari komunista estraditatu du Italiara

2004. urtetik Brasilen bizi izan da Battisti Lularen gobernuaren oniritziari esker. Jair Bolsonaro ultraeskuindarra boterera iritsi izanak bultzaturik, duela hilabete Boliviara egin zuen ihes. Urtarrilaren 12an atxilotu zuten Santa Cruz (Bolivia) hirian eta astelehenetik, Sardiniako (Italia) Oristano espetxean dago.


2019-01-02 | Amaia Lekunberri
Eskuin muturreko diskurtsoa airatuz egin du presidente karguaren zina Bolsonarok

Urte berriarekin batera, urtarrilaren 1ean burutu da Brasilen Jair Bolsonaroren inbestidura-ekitaldia. “Genero ideologiaren” eta ustelkeriaren aurka egingo duela adierazi du presidente berriak, baita herrialdea “lotura ideologikoetatik” eta “sozialismotik” askatuko duela esan ere.


2018-12-16 | Amaia Lekunberri
Nalu Faria
"Erresistentzian egon arren, bertatik bizitza antolatzeko beste era batzuk sortzen joan gaitezke"

Psikologia ogibide duen feminista brasildarra da Nalu Faria. Emakumeen Mundu Martxako nazioarteko komiteko kidea eta mugimenduak bere herrialdean daukan koordinazio taldeko partaide da. Urrian Bilbon egin den nazioarteko topaketaren baitan, Bolsonaro Brasilgo pesidentziara heldu eta gutxira, berarekin hitz egiteko parada izan dugu.


3.000 mediku kubatar Brasiletik kaleratu ditu Bolsonarok

Erabakiak osasun zerbitzurik gabe utzi ditu milaka familia brasildar txiro, eta beste hainbeste familia kubatar diru-iturri nagusirik gabe.


2018-11-25 | Z. Oleaga
Gauerako aterpea ala iraultza?

Mundua ez da aldatzen biluzik daudenentzat aterpea bilatuz. Ideia hori poema bihurtu zuen Bertolt Brechtek; poema hura kanta Mikel Laboak. Uste hori partekatzen al du xede iraultzaileak dituen herrigintzak? Bere borroketatik kanpo utzi al dute herri mugimenduek oinarrizko beharren eguneroko asetzea? Zergatik? Oldarraldi neoliberalaren garaiotan, aterpea edo jana bezalakoak borrokatzeari heldu behar al dio herrigintzak? Nola uztartu berehalakotasuna eta zeruertz iraultzaileak? Zer dago ikasteko,... [+]


Noam Chomsky: Brasilgo kolpe ezti batek uhinak zabalduko ditu munduan

Igandean, 28, lehiatu dira Brasilgo nagusi izan nahian. Jair Bolsonaro, “Brasil eta Jainkoa ororen gainetik”, versus Fernando Haddad, “Herria zoriontsu berriro”. Bolsonarok armadako jeneral bat zeraman bigarren, Haddadek preso dagoen eta preso hil litekeen Lula da Silva mitikoaren itzala. 2007ko krisitzarrak ez dizkie oraindik azaldu ondorio guztiak mundu osotik Brasilera harrituta begira dauden adituei. Noam Chomskyren analisi zuhurra laburbilduko dugu hemen.


Azkenak
EGILEA
Eguneraketa berriak daude