Boliviako Poliziak bost hildakoren hilkutxak zeramatzan martxako manifestariak erreprimitu ditu
Gas negar-eragilearekin sakabanatu dituzte ostegunean El Altotik La Pazerako ibilbidea egin duten manifestariak.
Iskanbila larriak gertatu dira ostegunean Boliviako hiriburuan. El Alto herritik martxa bat hasi zuten milaka boliviarrek, eta haiekin batera Poliziak hildako bost pertsonaren hilkutxak eraman zituzten lepoan hartuta. Horren helburua izan da Boliviako estatu kolpearen osteko Gobernuak egindako akusazioari aurre egitea. Izan ere, Añezen gobernuak esan zuen hildako horiek talde armatuetako kideak zirela.
La Pazera helduta, hilkutxak polizia indarren ibilgailuen gainean ere jarri zituzten momentu batean. Poliziak gas negar-eragilea erabili du manifestariak sakabanatzeko. "Hildakoak ere ez dituzue errespetatzen” salatu dute han izandakoek, hainbat hedabidek jaso dutenez.
URGENTE hay una periodista Argentina de AP que está herida. #LaPaz es una guerra campal. Muchos heridos y detenidos. #Bolivia pic.twitter.com/cOjMVhJxis
— Fernando Oz (@F_ortegazabala) November 21, 2019
#Bolivia pic.twitter.com/pPVG2p0Vhg
— María Jose (@MaraJos47840405) November 22, 2019
Zentsurak
Horrez gain, zentsura kasu ugari gertatu dira Bolivian. Tele Sur-ek adierazi duenez, “mehatxuak eta pertsekuzioak” jasaten ari dira kazetariak, gobernutik eta gobernuaren ingurutik. Adibidez, estatu kolpearen osteko Gobernuko komunikazio ministro Roxana Lizarragak sedizioa egotzi dio hainbat hedabide nazional eta nazioartekori.
Entel Bolivia justifica salida del aire de @teleSURtv por “ reorganización de la grilla”. Antes dijeron tenían problemas técnicos. Es evidente, la censura no acepta eufemismos. Seguiremos informando, ratificamos nuestro compromiso. pic.twitter.com/8gibHD6adW
— Patricia Villegas Marin (@pvillegas_tlSUR) November 21, 2019
