ARGIA.eus

Itzulpen automatikoa / Machine translation

Nekazari bizkaitarrak protestara irten dira Bilbon, eta trafikoa moztu dute

  • Arabako eta Nafarroako nekazariek azken egunotan egin bezala, Bizkaikoak ere protestara batu dira ostiralean. Haiek bezala, Nekazaritza Politika Bateratua (NPB) malgutzea exijitzen dute: ekoizpen prezioak bermatzea, merkataritza askeko akordioen negoziazioak etetea, eta burokrazia arintzea dira, beste aldarrien artean.

Traktoreak San Mamesen, Bilbon. Patxi Gaztelumendi / ARGIA CC BY SA

2024ko otsailaren 09an - 09:40
Azken eguneraketa: 13:16

EHNE eta ENBA sindikatuek deituta, Bizkaiko laborariek protesta dute gaur. Traktoreen martxak Durangaldetik, Mungialdetik eta Enkarterrietatik irten dira goizean goiz, eta Bilbon batu dira 10:30ak aldera.

Aurreikuspenak gainditu eta ehundik gora traktore elkartu direla adierazi dute.

Patxi Gaztelumendik ARGIAri bidali dizkio bideoak.

N-634 errepidean barrena egin dute ibilbidea Abadiñotik irten diren traktoreek.


Kanal honetatik interesatuko zaizu:: Laborantza
2024-02-21 | Estitxu Eizagirre
Gotzone Sestorain, Etxaldeko kidea:
"Traktoreekin atera diren asko ados egongo dira gure proposamen batzuekin, baina desintentsifikazioarekin ez"

Traktoreek kaleak hartu dituzte, eta erakundeak eta herritarrak interpelatu gaituzte. Gai hori lantzeko Etxalde mugimendukoa den Gotzone Sestorain elkarrizketatu du Eli Pagolak Egonarria saioan. Honek azaldu ditu laborantzako arazoaren muinean zer dagoen, eta kalera atera dena... [+]


2024-02-19 | ARGIA
Laborantzaren trantsizio agroekologikoa bultzatzeko eskatu die erakundeei Egurra ta Kandelak

Otsailaren 16 eguerdian protesta egin dute laborari agroekologikoek Gipuzkoako Foru Aldundiaren aurrean. Azken asteetan traktoreek egin dituzten mobilizazioetatik bereizi dira: "Nekazaritza eredu neoliberalak bere mugen kontra egin du talka; eta nekazari-patronala eta bere... [+]


Ekologiak hil du baserria

Nekazarien traktore uholdeek hartu dituzte Europako errepideak. Protestan dira. Diru kontuaz gain –sektoreko prekarietatearen adierazgarri betierekoa–, Frantziako Estatuko bi sindikatuk –FNSEA eta Laborari Gazteak– badituzte bestelako eskaerak.


Eguneraketa berriak daude