Bizkaibuseko gidari batek erabiltzaile baten jazarpen matxista jasan duela salatu dute
Jazarpena lanean ari zela hasi zen, eta handik kanpo jarraitu zuen. Avanza Durangaldeko langile batzordeak salatu du gidariak bakarrik eta babesgabe egon ohi direla lanorduetan.
Bizkaibuseko gidari batek autobuseko erabiltzaile baten partetik jazarpen matxista jasan duela salatu dute. Avanza Durangaldeko langile batzordeak egin du salaketa. Azaldu duenez, jazarpena gidaria lanean ari zela hasi zen, eta handik kanpo ere jarraitu zuen.
Irailaren 4an gertatu zen erasoa, Zeanuriko lineako zerbitzuan. Gizonak gidariari txartel bat eman zion; bertan, bere telefono zenbakia emateaz gain, ea kafe bat hartu nahi zuen galdetu zion. Nahiz eta momentuan gidariak kasurik ez egin, lana amaitzean mugikor pertsonalean mezuak jaso zituen. Batzordearen arabera, ez da gizon horrek gidari eta bidaiarien artean txartelak banatzen dituen lehen aldia.
Gidariak babesgabe
Langile batzordeak salatu du lanorduetan gidariak bakarrik egon ohi direla, "babesik gabe" eta "unean uneko egoerei aurre egiteko baliabiderik gabe". Gaineratu du "aspalditik" ari direla zerbitzu seguru bat eskatzen.
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
Frantziako estatuan 600 kirolarik salatu dituzte sexu erasoak: tenislariak, patinatzaileak, judolariak, atletak... Duela 20 urtekoak dira lehen salaketak, baina asko egungoak dira, hain zuzen 107 salaketa dira 2020-2021 denboraldikoak. Horietatik %70 emakumezkoek jasan zituzten... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.
Burlatako jaietan adin txikiko bat erasotzeagatik atxilotu dute bat, eta epaileak espetxean sartzeko agindua eman du. Bestea, abuztuaren 25ean 22 urteko neska bat erasotzeagatik atxiki dute baina urruntze agindua ezarri eta aske utzi dute.