Bizikletan zioan emakume bat hil da Bilbon asteartean, kamioi batek zapalduta. Heriotzaren aurrean, mobilizazioak deitu ditu asteazkenean Biziz Bizi Hiri Bizikletari Elkarteak.
Bilboko Sabino Arana eta Autonomia kaleen arteko bidegurutzean zapaldu zuen asteartean kamioi batek Irene, bizikletan zioan 46 urteko emakumea. Istripuaren tokitik abiatuko da asteazkenean Biziz Bizi Hiri Bizikletari Elkarteak deitutako manifestazioa, arratsaldeko 19:00etan. Biktima oroitu eta bizikletarientzat segurtasun neurriak hartzea exijituko zaie Bilboko Udaleko arduradunei. Manifestazioaren ostean, 20:00etan, elkarretaratze isila egingo da Bilboko Udalaren aurrean. Mobilizazioetara beltzez jantzita joateko deia egin dute.
Bilboko Udalari bizikleta gidarien segurtasuna bermatuko duten neurriak hartzeko eskatzen, luzez dihardute Bilboko bizikletariek. Autoen abiadura orduko 30 kilometrora mugatzea da neurriotako bat, hiriko zenbait kaleetako erreietako batean bada ere, eta hauek bistaratzeko seinalizazio egokia jartzea.
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Pello Bilbao txirrindulari gernikarrak irabazi du astearteko Frantziako Tourreko lasterketa. Txapelketaren Twitter kontutik Espainiako bandera batekin zoriondu dute hasieran, baina bi minutu pasa ostean txio hori ezabatu eta ikurrina jarri diote. Pozez hartu dute batzuek, baina... [+]
Asteburuan Frantziako Tourraren 2023ko edizioa Bilbotik abiatuko da, eta lasterketak Euskal Herria zeharkatuko du lehenengo hiru etapetan. Ibilbidea Bilbon hasi eta, besteak beste, Gasteiz, Donostia eta Baiona hirietatik pasako da. Donostiako Bizilagunekin Plataformak Tourraren... [+]
Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.