Bixente Serrano Izko idazle eta historialaria hil da 72 urterekin
Koldo Martinez Geroa Baiko senatariak jakinarazi duenez, Bixente Serrano Izko hil egin da. Itza udalerriko Saratsan jaioa, Serrano gaztetatik inplikatu zen Frankismoaren aurkako borrokan eta figura inportantea izan da Nafarroako euskaltzaleen artean.
Frankismoaren amaieran ETAko kidea izateagatik atxilotu eta preso sartu zuten Serrano Izko. Segoviako espetxean giltzapetu zuten eta, hain zuzen, kartzela horretatik ETAko hainbat kidek egindako ihesaldi ezagunean parte hartu zuen, nahiz eta harrapatu egin zuten. Ondoren ETA politiko-militarreko kide izan zen, talde armatua utzi eta Euskadiko Ezkerran sartu zen arte.
Alderdi horrek PSErekin bat egiteko akordioaren ondoren, alderdia utzi zuen eta Historia klaseak eman zituen Iruñeko ikastetxe batean. Ez zion ordea Euskal Herriko gaurkotasun politikoa jarraitzeari utzi, hainbat hedabidetan –horien artean ARGIAn– urte askoan idatzi dituen artikuluek erakusten duten moduan.
2000ko hamarkadan itzuli zen politikara eta birritan izan zen Espainiako Senaturako hautagaia Nafarroa Bairekin (2004an eta 2008an). Geroa Bairen 2011ko Espainiako Kongresurako hauteskundeetako zerrendan bigarren postuan egon zen, Uxue Barkosen atzetik. Eta hain zuzen horregatik, 2015ean Espainiako Diputatuen Kongresuan ere aritu zen, Barkosek Nafarroako lehendakaritza hartu zuenean.
Ibilbide politikoa bakarrik ez da aski, ordea, Serrano Izko izan dena ulertzeko. Idazle gisa egindako ekarpena ere kontuan hartu behar da, batez ere saiakeragile gisa: Beldurra bera zaldi (Pamiela, 2002), Bakezale gerlari horiek (Pamiela, 2004), Benetako bakea helburu, ez dago baketzerik (Pamiela, 2004) eta Nafarroa. Historiaren hariak (Euskal Kultur Elkargoa, 2005) liburuak utzi ditu, baita Jauzika aforismo liburua (Pamiela, 2010) eta Onkoteak (Pamiela, 1987) narrazio liburua ere.
Aurtengo martxoan argitaratu zuen bere azken artikulua ARGIAn, “Distortsioak” izenburupean, zeinean hitz egin zuen Nafarroako foru-zuzenbide zibilaren gaurkotzeaz eta Espainiako marko juridikoarekin izaten ari den talkaz.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Bilboko Errekalde auzoko igerileku batean gertatu zen ezbeharra. Larrialdi zerbitzuek erreanimazio lanak egin zizkioten adin txikikoari, eta Gurutzetako ospitalera eraman zuten; hiru egunetara hil egin da.
.JPG)
7 urteko umea oporretan zegoen Fuenmayorren (Errioxa). Logroñoko San Pedro ospitaletik Nafarroako ospitalera eraman zuten eta bertan hil zen.
Russell mendian gertatu da ezbeharra, amildegi batetik jausita. Gaztea Iruñekoa zen.
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Eutanasia edo suizidio lagundua gisako hitzak nahita saihestuta, “hiltzeko laguntza aktiboa” baimentzen duen legea onartu du Frantziako Asanblea Nazionalak. Senatuaren oniritzia jasoz gero, 2027an sartuko litzateke indarrean legea, kasurik azkarrenean.
José Alberto Mujica, gerrillari tupamaro eta Uruguaiko presidente izandakoa, astearte honetan hil da, minbizi baten ondorioz. 89 urte zituen eta txakurrarekin batera bere etxebizitzan lurperatzeko argibideak utzi zituen. “Nire zikloa amaitu da”.
Zer nolako harremana dugu heriotzarekin? Zer nolakoa helduek, zer nolakoa haurrek? Adinean gora egin ahala nola aldatzen da heriotzarekiko dugun begirada? Eta nola hitz egin heriotzaz haurrekin?
Bai, gai tabua bada ere, hitz egin dezagun heriotzaz. Hirugarren saio honetan... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Gertakariak igande egunsentian suertatu dira 5:00ak aldera Gasteizeko Mitika diskotekan. Hildako pertsona 31 urteko gizon bat da, eta lurraren kontra buruarekin hartutako kolpe baten ondorioz hil da, antza atezainak kolpe bat eman ostean.
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]