Bilbon ere ARGIA bizikletaz banatzen hasi gara Botxo Riders kooperatibaren eskutik

  • Urrian ekin diogu Bilboko bederatzi auzotan ARGIA bizikletaz banatzeari. Hala, lan-baldintza justuetan oinarrituta eta banaketa ekologikoaren bitartez, aldizkariak jasotzen hasi dira Bilboko 200 bat etxebizitzetan; lehenagotik Gasteizen, Donostian eta Iruñerrian egiten dugun bezala.

Argazkia: Botxo Riders

2022ko abenduaren 15an - 08:33

Urritik aurrera Bilboko Abando, Bilbo Zaharra, Zazpi kaleak, Atxuri, Castaños, Abandoibarra, Indautxu, Basurto eta Deustuko ARGIAko kideei aldizkariak bizikleta bitartez heltzen ari zaizkie postontziraino. 200 bat etxetara banatzeko ardura bideratzen ari gara Botxo Riders kooperatiba eratu berriaren bitartez. Banaketa azkarragoa, tokiko ekonomia sustatzea eta langileen lan-baldintza duinak bermatzeaz gain, "zerbitzuen %100 Co2 bidezko kutsadura eta zaratarik gabekoa dela" bermatzen dute Botxo Riders-eko lagunek. Gasteizen Eraman kooperatibako lagunekin hasitako bide emankorrean beste pausu garrantzitsu bat da Bilbokoa. Lan horri esker Iruñean eta Donostian ere bizikletaz heltzen da ARGIA etxe askotara.

CoopCycle Euskal Herria federazioaren lehen ekimen koordinatua

Garraio arloan aritzen diren multinazionalen –Glovo edo Deliveroo kasu– baldintza prekarioak zuzenean ezagutu dituzten pertsonek osatzen dute Bilboko kooperatiba, eta horrek bultzatuta ekin zioten bestelako balore jasangarriagoetan oinarritutako alternatiba sortzeari. Horretarako CoopCycle Euskal Herriaren laguntza izan dute. Kooperatiben federazio hau, banaketak kudeatzeko plataforma digital bat eskaintzeaz gain –software libre eta irekian egina eta munduko hainbat lekutan erabiltzen dena–, maila lokalean sortzen ari diren eta balio politiko eta sozial bertsuak dituzten kooperatiben topagunea da. CoopCycle EH federazioaren helburua da kooperatibetako kideen arteko ezagutzak, gaitasunak eta lan egiteko moduak partekatzea, elkar laguntzeko eta antzeko kooperatiba gehiago sortzeko asmoz. Botxo Riders da federazioaren lehen proiektu koordinatuaren emaitza; izan ere, Euskal Herriko beste kooperatiba batzuetako kideek lagundu dute Bilboko kooperatiba berria martxan jartzen. CoopCycle EH-ko kideek adierazi digutenez, beste proiektu batzuk garatzen ari dira Baionan eta Iruñean, bakoitza bere ezaugarri propioekin, tokian tokiko testuingurura egokituta.


Kanal honetatik interesatuko zaizu: Ekonomia eraldatzailea
2024-03-03 | Garazi Zabaleta
Azokoop
Pirinioetako Artzibarren lan eta bizi: hurbileko kontsumorako denda eta proiektua

Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]


2023-11-08 | ARGIA
Aztarna ekologikoa murrizteko neurriak hartzen hasi da ARGIA liburuen eta aldizkariaren ekoizpenean

Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]


Marinaledako lur komunalak espekulatzaile pribatuen eskuetan gera daitezkeela ohartarazi dute

Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]


Udalgintza eta herrigintza eraldatzailea: Euskal Herriko ekimen burujabeak saretzeko jardunaldiak Hernanin

Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]


‘Laia’ aldizkaria, ARGIArekin batera

Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta... [+]


Eguneraketa berriak daude