Bilboko Udaltzaingoaren eraso arrazista pairatu zuen herritar batek akusatu bezala deklaratu beharko duela salatu dute
Senegalen jaiotako M.G. legez kanpo atxilotu eta kolpatu egin zuten iragan ekainean, ondoren agintaritzaren aurkako erresistentzia larria leporatzeko, Bizkaiko SOS Arrazakeriak jakinarazi duenez. Ostegunean deklaratuko du epaitegian akusatu bezala. Babesa adierazteko elkarretaratzea deitu dute.
Ekainaren 28an gertaturikoa gogoratu du Bizkaiko SOS arrazakeriak hedabideetara bidalitako prentsa oharrean. Elkartearen esanetan, jatorri senegaldarreko eta 34 urteko M.G. geratu zuen Bilboko udaltzain batek bere etxetik San Frantzisko kalera oinez zihoala, probarik gabe “zuk marihuana duzu” leporatuz. Herritarrak leporapena ukatu zuen birritan, eta orduan identifikazioa eskatu zion poliziak. Gainean ez baina metro batzuetara zegoen bere etxean dokumentazioa bazuela erantzutean, udaltzainak “beltz harroputza” esanez iraindu zuen M.G., bultzatzearekin batera. San Francisco auzoko bizilaguna lurrera erortzean bultzakadaren ondorioz, hiru udaltzainen artean immobilizatu zuten, batek bere gorputzaren pisu osoa M.G.ren lepo gainena jartzen zuela. Bizilagunen protesten artean eraman zuten atxilotua polizia-etxera. Ez zioten marihuana edo bestelako drogarik atzeman, baina agintaritzaren aurkako erresistentzia larria leporatu zioten.
Ez dira kasu isolatuak
Erasoa kriminalizazio eta arrazakeria kasu bat dela salatu du Bizkaiko SOS arrazakeriak, Poliziaren bortizkeria eta abusuak ez direla kasu isolatuak azpimarratuz. Erakunde publikoei eta arduradun politikei neurriak hartzeko eskatu die, eta M.G.ren kasu zehatzari dagokionez, “justizia, erantzukizunen onarpena eta erreparazioa”.
Ostegunean, kontzentrazioa
Ostegunean akusatu bezala deklaratu beharko du San Frantziskoko bizilagunak, ekaineko gertakarien ondorioz. Mbolo elkarteak eta Bizkaiko SOS arrazakeriak kontzentrazioa deitu dute epaitegien aurrean, poliziaren kriminalizazioaren eta eraso arrazisten aurka.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Joan den asteko asteazkenetik ostegunera bitarteko gauean istiluak izan ziren Martzillan (Nafarroa), eta hainbat bizilagunek harriak eta aulkiak jaurti zizkieten zentroan zeuden etorkin adingabeei. Bizilagunak kalera irten ziren igandean, "herri seguru bat defendatzeko"... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]