Sistema judizialaren “izaera matxista eta zapaltzailea” salatzeko, Ezker Abertzaleko gazte antolakundeko hainbat emakume* Buenos Aires kaleko Justizia Jauregiaren ateetara kateatu dira.
"Injustizia patriarkalari ateak itxi. Neska* gazteok autodefentsa feminista" lemapean egin dute ekintza asteazken goizean. Ekintzan parte hartzen ari ziren gehienak eraikinaren ateetara lotuta zeuden bitartean, pintura gorriz busti dira bi.
Emakumeen aurkako indarkeriaren kontrako egunaren ataritan egin dute ekintza, nahiz eta borroka feminista urteko egun guztietan egin behar dela azpimarratu duten: “Azaroaren 25ean eta egunero, gora borroka feminista!”.
“Batzuetan biktimizatu egiten gaituzte epaileek, bestetan, jasandako erasoaren erantzule egiten gaitu eta erasotzaileak babesten ditu. Behin eta berriz esan digu ez gintuela sinesten, gu babestea beste eginkizunik behar ez lukeen epaitegiak!”, salatu dute sare sozialetan.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Askotariko erresistentziak gorpuzten eta aldarrikatzen ditu Aiert Alberdi kantautore oñatiarrak oholtzan zein egunerokoan: gaztea, genero disidentea, euskalduna, langile klasekoa eta herri txikikoa… Musika eta feminismoa ditu indarkeria patriarkalari aurre egiteko... [+]