Bigarren egunez, martxan jarraitu du karabana feministak
Emakumeen Mundu Martxak bigarren eguna egin du Euskal Herrian barrena. Atzo Nafarroatik Lapurdirako saltoa eman zuen eta gaur Gipuzkoan sartuko da.
aurre egingo dieten hedabide independenteak
Astearte goizean Iruñetik Sakanarako bidea hartu zuten martxako furgonetek, eta Altsasun egin zuten geldialdia 10:30ean. Ongi etorri beroa eman zieten altsasuarrek martxako kideei. Ekitaldian margolana egin zuen artista batek eta bi emakumek txalaparta jo zuten. Martxak alde egin aurretik, hamaiketakoa izan zuten indarrak berritzeko.
Eguerdian, Altsasutik Leitzara mugitu zen karabana feminista. Emakume baserritar batek egin zuen bertako hazien ekarpena, eta eskolako trikitilariek eta txistulariek lagunduta landaketa egin zuten herriko erdiguneko parke batean. Ondoren, bazkaria izan zuten Torrea herriko tabernan.
Elizondora arratsaldean iritsi zen karabana. Zuzeneko musika, bertsoak, txalaparta eta antzerkia izan zituzten han, eta martxaren iritsiera aprobetxatu zuten gogorarazteko Baztanen urteak daramatzatela “festak normaltasunik gabe bizitzen, mutil-dantzak direla eta”. Baztanetik Hazparnerako bidean, Zugarramurdin geldialdi inprobisatua egin zuten martxako kideek, hurbildutako herritarrekin argazkia ateratzeko.
Bigarren gaua Hazparnen pasa zuen martxak. Lehenago, ordea, ekitaldia, zuhaitz landaketa, afaria eta Emabide dokumentalaren proiekzioa izan zituzten.
Gaur, irailak 30, Gipuzkoan sartuko da martxa
Hirugarren egunez martxan jarraituko du Kurdistanetik datorren karabana feministak gaur. Goizean Baionan eginen dute geldialdia, eta handik Gipuzkoara sartuko da: Hondarribiatik pasako da lehenik, eta gaua Donostian eginen du.
Egitarau osoa eskuragarri dago Euskal Herriko Emakumeen Mundu Martxaren webgunean.
Larunbatean Donostian amaitu den "gerra eta kapitalismoaren kontrako" Euskal Herriko Emakumeen* Mundu Martxaren VI. ekintza izan da. Euskal Herriko Gazte Feministak Baterajotzea deitu du urriaren 31tik azaroaren 2ra, Zaldibarren. "Kaleak hartu eta konspirazio,... [+]
Maiatzaren 10ean egingo dute: Bardean hasi eta Donostiako manifestazioraino. Lurraren defentsa, migrazio politikak eta indarkeria matxista izango ditu ardatz.
Euskal Herriko Emakumeen Mundu Martxak indarkeria matxistari buruzko jardunaldiak egin ditu asteburuan Atarrabian. Sistema judiziala jarri dute ezbaian, justizia eta autodefentsa feministaren balioak aztertu dituzte.
Mugimendu Feministak biktimak izandako babesgabetasun egoera salatu du. Iruñean, Donostian eta Bilbon astearte arratsaldean deitu ditu mobilizazioak Emakumeen Mundu Martxak.
Feminist Asylum kanpaina abiatu dute Europa mailako hainbat mugimendu, talde, elkarte, alderdi eta sindikatuk. Euskal Herriko Emakumeon Mundu Martxak bat egin du kanpainarekin, eta herritarrei dei egin die berau babestera.
42 urteko gizon batek 37 urteko emakume bat hil du Gasteizen, eta bere buruaz beste egin ostean. Hilketa matxistaren aurrean mobilizazioak deitu dituzte Hego Euskal Herriko hiriburuetan. Honekin, bost dira aurten Euskal Herrian indarkeria matxistak hildako emakumeak.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Dani Blanco ARGIAko argazkilariak argazkitan jaso du Emakumeen Mundu Martxako Nazioarteko V. ekintza.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Martxoaren 6an egingo du Euskal Herriko Emakumeen Mundu Martxak V. Nazioarteko Ekintzaren amaiera ekitaldia, Irun eta Hendaia artean. Azaldu dutenez, "planteamenduan hainbat aldaketa egin ondoren, mugen eta transnazionalen kontrako mobilizazioa deitzea" erabaki dute... [+]
Larunbatean hasi zen ibilaldia herriz herri ibiliko da hilaren 27ra arte. V. Nazioarteko Ekintzari martxoaren 6an emango zaio itxiera Irun eta Hendaia arteko mugan.
Migrazio politikak eta transnazionalen jarduna salatuko ditu Euskal Herriko Emakumeen Mundu Martxak aurten, Nazioarteko V. Ekintzaren harira.
Hego Euskal Herriko lau hiriburuetan elkarretaratzeak egin dituzte urtarrilaren 22an, Euskal Herriko Emakumeen Mundu Martxak deituta. Aintzane Pujanarena hasi berria den urteko lehen hilketa matxistatzat hartua izan da.
Emakumeen Mundu Martxaren Nazioarteko V. Ekintza abiatu dute larunbatean Irun eta Hendaia arteko mugan, martxoaren 6a bitarte herriz herri ariko dena. Transnazionalak, mugak eta migrazio-politikak ikusmolde dekolonialetik behatzera animatu dituzte herritarrak.