Bi urteko kartzela zigorra jarri diote Amalur Mendizabal senataria zauritu zuen ertzainari
2013ko irailean 30eko Herrira-ren aurkako operazioa zela eta, Guardia Zibila Hernaniko egoitzara sartu zen. Jendetza hurbildu zen protestara, eta Ertzaintzak indarrez sakabanatu zituen. Emakume bat babestu nahian, Mendizabalek senatari txartela atera zuen ertzainei bere karguaz jakinarazteko. Azkenean ertzain batek buruan jo eta bost zentimetroko ebakia egin zion.
Salaketa jarri zuen Amaiur koalizioko senatari ohiak eta bost urteren ostean iritsi da epailearen erabakia: ontzat jotzen du fiskaltzaren eta akusazio partikularrak egindako eskaera. Bi urteko kartzela zigorra ezarri diote ertzainari, baita brigada mugikorrean aritzeko debekua ere. 3.600 euroko kalte ordaina eman beharko dio Mendizabali.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Eusko Jaurlaritzako Segurtasun Sailak zabaldu du BBK Live festibalean droneak erabili dituela "lehen aldiz bere historian gune bat kontrolatu eta zelatatzeko", EiTBk jaso duenez. Hori ez da horrela. Gutxienez bi aldiz erabili izan ditu lehenago protesta sozialak zelatatzeko: Gipuzkoa Zutikek iaz erraustegira eta makro-kartzelara antolatutako martxan eta aurten Bizitza Da Handienak Egian, Munduko Turismoaren Goi Bileraren ondoan egin zuen asanbladan.
Eusko Jaurlaritzak Arantza Sanabria izendatu du EAEko Administrazio Publikoko Datuak Babesteko ordezkari. Estatus berezia izango du lanpostuak, Irekia webgunean irakurtzen denez: legegintzaldi arrunta baino luzeagoa izango da haren agintaldia, sei urtekoa; eta beste hainbeste urtez luzatzeko aukera izango du.
Azken hilabeteotako gertakariek argi eta garbi erakutsi dute Eskubide Zibil eta Politikoei aurre egiteko nolako tresna errepresibo garrantzitsua eta indartsua den Mozal Legea (eta Zigor Kode berria) krisialdi territorialean, ekonomikoan eta sozialean murgilduta dagoen Estatu espainolarentzat. 2015eko uztailaren 1ean indarrean sartu zenetik, etenik ez dute izan oinarrizko Giza Eskubideak garatzen dituzten eskubide hauen aurkako erabakiek zein polizia ezberdinen gehiegikeriek. Protesta sozial... [+]
Baimen eza argudiatuta, Ertzaintza Gasteizko Campuseko ikasleen aurka oldartu da, hainbat ikasle kolpatuz. Datozen egunetan, Altsasuko gazteen alde “zarata ateratzeko” deia egin du Altsasukoak Aske Gasteiz plataformak: lau elkarretaratze ezberdin egongo dira.
Duela sei urte hil zen Iñigo Cabacas Ertzaintzaren pilokada batek eragindako zaurien ondorioz. Bere heriotza argitzeko sei ertzainen aurkako epaiketa hasiko da urrian. Familia eta lagunak epaiketaz eta urteurreneko jardueraz mintzatu dira.
Joan den otsailaren 22ko Athletic eta FC Spartak Moskuko zaleen arteko istiluen erantzule Herri Norte Taldea (HNT) jo dute zenbait hededabidek. Are gehiago, taldeak sare sozialetan salatu du Inocencio Alonso ertzainaren heriotzaren arduradun egin dutela. Ohar baten bidez, HNTk ukatu du istiluetan parte hartu izana eta salatu du zenbait komunikabidek zabaldutako "gezurra eta manipulazioa".
Kontu onik ez biolentziaren monopolioa haserre dabilenean: gaiztotuta dago giroa Ertzaintzan otsailaren 23an agente bat bihotzekoak jota hil zenetik Athletic-Spartak partiduaren atariko istiluetan.
Ertzainek protesta egin dute Eusko Legebiltzarraren aurrean ErNE, ELA eta Sipe sindikatuek deituta. Eusko Jaurlaritzari lan baldintzak hobetzea galdegiteaz gain, Estefania Beltran de Heredia Segurtasun sailburuaren dimisioa eskatu eta Iñigo Cabacasen familiaren abokatu Jone Goirizelaiaren aurkako mezuak oihukatu dituzte.
Ikasle Abertzaleek deituta manifestazioa egin dute 1976ko martxoaren 3an poliziak bost langile hil zituela gogoratzeko. Hala Bedi bere webgunean argitaratu duenez manifestazioa amaitzen ari zela Ertzaintzak kargatu egin du ikasleen kontra.
Otsailaren 13an Torturaren Aurkako Eguna izan zen. Honen harira, Ertzaintzak, Espainiako Poliziak edo Guardia Zibilak torturatutako belaunaldi ezberdinetako lau arabarren testigantzak bildu ditu Hala Bideok erreportaje honetan: Marina Sagastizabal, Xabier Izaga, Txiki Donnay eta Susana Atxaerandio. Horiekin batera, Ixone Legorburu psikologoak parte hartu du.
2017ko abenduan, Eusko Jaurlaritzak torturaren inguruko txostena aurkeztu zuen. Ikerketa Paco Etxeberria auzitegi medikuak eta Laura... [+]
