Bilboko Urretxindorra eta Lekeitioko Azkue ikastoletako bi irakasleren sexu erasoak salatu dituzte
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak. Lekeitioko irakaslea, berriz, erretiratuta dagoela azaldu dute.
.jpg)
Urretxindorra ikastolako hainbat ikasle eta ikasle ohik Denuncias Euskal Herria Instagrameko profilaren bitartez modu anonimoan egin dituzte salaketak. Gizon horren aurkako lehen akusazioak abenduaren hasieran argitaratu ziren. Horien ostean, hainbat izan dira irakasle beraren aurkako kexak zabaldu dituztenak.
Urte luzez, 10 eta 17 urte bitarteko neskei iruzkin sexualak egiten zizkiela eta sexualizatu egiten zituela ziurtatu dute salatzaileek. Gertatzen zena jakinekoa zela eta “ezkutatu gabe” egiten zuela kritikatu dute adierazpenetan.
Instagrameko profil berean salatu ditu Azkue ikastolan izandako erasoak ikasle ohi batek. Irakasleak jarrera autoritarioa izateaz gain, neskei bizkarretik eskua sartu eta "begira x-k ez darabil bularretakorik" bezalako komentarioak egiten zituela azaldu du. Urte asko isilean pasatu ondoren, egoera salatzeko pausua eman nahi izan duela nabarmendu du.
Ikastolen Elkarteak neurriak hartu ditu
Ikastolen Elkarteak salaketa horiei “zilegitasun guztia” ematen diela, eta ikasleen “segurtasuna eta ongizatea” bermatzea “lehentasuna” dela adierazi du. Bestalde, elkartea osatzen duten ikastolek neurri “zorrotz eta zehatzak” hartzeko betekizuna dutela azaldu du, epaitegietan aurkeztutako salaketa izan ala ez.
“Emakumeen aurkako eraso eta jazarpenaren aurrean irmotasuna eta konpromisoa”, azaldu du Nekane Artola Ikastolen Elkarteko buruak. Irakasleak klaserik ez duela emango nabarmendu du Euskadi Irratian. Eskolak emango ez baditu ere, ikastolara joaten jarraituko du, beste lan batzuetara bideratuko dute. Lekeitioko ikastolako salaketaz, irakaslea erretiratua dagoela soilik adierazi du.
Laguntzarako baliabideak
Emakumeen aurkako “eraso, jazarpen edo biolentziari” aurre egiteko protokoloari jarraikiz, erasoa jasan dutenei, beraiek hala nahi badute, ongizate emozionalerako zein beharrezkoak diren prozeduretan laguntzeko baliabideak eskainiko dizkietela informatu dute.
Horrez gain, Ikastoletan edonolako jazarpen edo eraso mota jasan duten pertsonei, edo jokabide desegoki baten lekuko izan direnei, zuzendaritza organoekin edo Ikastolen Elkartearekin berehala harremanetan jartzeko deia zabaldu dute. “Jazarpeneko, indarkeriako edo diskriminazioko” edozein egoeraren berri emateko salaketak@ehi.ikastola.eus helbide elektronikora idazteko eskatu dute.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.