Altsasuko gazteei 600 euroko isuna ezarri diete auziko hiru epaileetatik bi ezestea eskatzeagatik. Guardia Zibilekin duten harremana dela-eta eskatu zuten bazterketa hori. Ez dute aintzat hartu, eta, gainera, 600 euroko isuna ezarri diete.

Altsasuko zortzi gazteen abokatuek eskatu zuten apelazio auzitegiko hiru epaileetatik bi ezesteko, Guardia Zibilaren dominak jaso zituztela eta inpartzialtasunik ez dutela arrazoituta. Alta, botere judizialaren lege organikoaren 69. artikuluaren inguruko Auzitegi Nazionalaren areto bereziak ebatzi du eskaera atzera botatzea, eta 600 euroko isuna ezarri die gazteei, "fede txarrez" aritzea eta auzia atzeratu izana arrazoituta.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.