2022ko uztailaren 05a
Berta Cáceres ekintzaile ekologista hil zutenetik sei urte bete direnean, Roberto David Castillo Mejía, Desa enpresa hidroelektrikako lehendakari exekutibo zena, 22 urteko espetxealdira kondenatu dute Hondurasen. Enpresa hori presak eraikitzen ari zen Lenca herriarentzat sakratua den Gualcarque ibaian, eta eraikuntza horien aurka ari zen borrokan Cáceres.
Lenca herri indigenako liderra, ekintzaile ekologista eta giza eskubideen defendatzaile sutsua zen Berta Cáceres. 2016an, indarrez sartu ziren bere etxera eta tiroz hil zuten.
Krimenagatik, 2019an zazpi pertsona kondenatu zituzten eta iaz Roberto David Castillo hilketaren autore intelektualetako bat izan zela ebatzi zuten epaitegietan, hilketaren finantzazioan, antolaketan eta logistikan parte hartu zuela. Orain, zigorra zehaztu du epaimahaiak: 22 urte eta erdiko espetxealdia.
Honduras, herrialde arriskutsua ekologistentzat
Cáceres hil zutenean kontatu genuenez, Global Witness txostenaren arabera Honduras “munduko herrialderik arriskutsuena da ekologistentzat, herritar kopurua kontuan hartuta”. Gobernuz Kanpoko Erakundearen arabera, 101 ekintzaile hil zituzten 2010 eta 2014. urte artean. “Gobernuek aldaketa klimatikoaren inguruan eztabaidatzen duten bitartean, ibaiak eta oihanak defendatzen dituztenak zigorgabetasun osoz hiltzen dituzte prentsa internazionalean inolako oihartzunik eragin gabe”.
"Atzendu ezinezko gaiez mintzatu eta jauzi kualitatibo nahiz kuantitatibo bat emango duen euskal mugimendu berri baten beharrez aritzeko" topaketen aurkezpena egin dute ekainaren 15ean.
Aurten ere Gladys del Estal omendu dute Donostian, Eguzkik eta Gladys Gogoan kolektiboak antolatutako ekitaldian. 43 urte pasatu dira guardia zibil batek Tuteran tiro bat buruan jota hil zuenetik, energia nuklearraren eta Bardeako tiro poligonoaren kontrako mobilizazio baten... [+]
1975etik 1982ra arteko epea ikertu du David Ballester historialariak eta liburu batean eman ditu ondorioak: urte horietan indarkeria polizialak Espainiako Estatuan 134 pertsona hil zituela dio, horietatik 50 Hego Euskal Herrian. Igandean omenaldia egingo diote Gladys del Estal... [+]
Ostiralean, ekainak 3, 43 urte beteko dira Jose Martinez Salas guardia zibilak Gladys del Estal ekologista donostiarra buruan tiro bat jota hil zuenetik. Tuteran izan zen hilketa, zentral nuklearren eta Bardeako Tiro Poligonoaren kontrako mobilizazio baten jazarpen polizialaren... [+]
