Bultza kazetaritza independentea
Bizkaiko erresidentzietako ELAko langileek salatu dute patronalak eta Bizkaiko Foru Aldundiak "bere horretan" jarraitzen dutela. "Zaintzarekin negozioa" egiten ari direla salatu du sindikatuak.
Beste hamar greba egun deitu dituzte Bizkaiko erresidentzietako ELAko langileek. Martxoaren 15etik 24ra egingo dute greba, sindikatuak jakinarazi duenez. ELAk salatu du patronalek eta Bizkaiko Foru Aldundiak "bere horretan" jarraitzen dutela. Gaineratu du Martxoaren 8aren harira "emakumeen aldeko hainbat ekintza propagandistiko" egin badituzte ere, ez dutela urratsik egiten "arlo feminizatu" horretan hobekuntzak egiteko.
Langile falta, Gizarte Urgazpenerako Foru Erakundearekin (GUFE) parekatzea, lehen egunetik ordezkapenak egitea, lanaldi osoko kontratuak egitea edota lan osasunaren arloko hobekuntzak dira langileen aldarrikapenak, besteak beste. Bi urte baino gehiago dira aldarri horiek mahai gainean jarri zituztenetik, baina ELAk salatu du patronalek eta Aldundiak "entzungor" egiten dietela.
Horrez gain, "zaintzarekin negozioa" egiten jarraitzen dutela azpimarratu du sindikatuak: "Erabiltzaileentzako kuotak handitzen dituzte, baina diru hori ez da hobekuntzetara bideratzen, patronalen poltsikoetara baizik".
Manifestazioa, martxoaren 15ean Bilbon
Bizkaiko erresidentzia guztietan egin dute grebarako deia, eta hainbat mobilizazio eta ekitaldi egingo dituztela iragarri dute. Lehen manifestazioa martxoaren 15ean izango da Bilbon, 11:00etan Guggenheim Museotik abiatuta.
Pandemiak kolektiboki zenbateraino eragin gaituen sakonean aztertu gabe jarraitzen badugu ere, ez da gehiegizkoa “gureak” egin ditugun aldarrikapenak utzi dizkigula esatea. Horietako bat, zaintzak erdigunean jarri behar ditugula behingoz.
Zaintzaren auzia geroz... [+]
Zuzendaritzari egotzi diote aukera ematea langileak "neurriz kanpoko indarkeriaz erreprimitzeko". Poliziak grebalarien aurka jo du astelehen eta asteartean.
Ehunka lagun atera dira larunbatean Zaintza eta garbiketako langileok borrokara lelopean, Itaiak deituta. Guztientzako "kalitatezko lan eta bizi baldintza berdinak" exijitu ditu, eta borrokarako deia zabaldu.
Emakume langileok badugu zer salatu eta exijitu otsailaren 22an, soldata berdintasuna aldarrikatzeko nazioarteko egunean, eta egingo dugu berriz ere.
Berdintasuna enpresetan nola lantzen dugun aztertzeko formazio saioa egin du Beterri Saretuz egitasmoak. Berdintasun Planen inguruko informazioa jasotzeaz gain, berdintasuna praktikara nola eraman ere hausnartu dute.
