Bermeoko ‘Beti Euskal Herria’ itsasontziko “esklabismoa” salatu du LABek
Sindikatuak salatu du Bermeoko baxurako arrantzako itsasontzia amarratua geratuko dela. "Egoera penagarrian" lan egiten zuten langileak kaleratu dituzte, aurretik informazio edo azalpenik jaso gabe. Beti Euskal Herria ontziko arduradunen jokabidea arrantza sektorearen bilakaeraren isla dela adierazi dute: "Sektorearekiko instituzioen utzikeria eta armadoreen interes pribatua langileriaren zapalkuntza areagotzea dakar"
aurre egingo dieten hedabide independenteak
Maiatzaren 8an itsasoratzeko momentuan ez zirela irtengo esan zuen armadoreak, azalpenik gabe. Arrantzaleek ez zuten ulertzen zer gertatzen ari zen, kofradiara joan ziren informazioa bilatzera eta bertan jakin zuten enpresak langile guztiak gizarte segurantzatik atera zituela.
LAB sindikatuak salatu du gertatutakoa, ez zutela jaso abisurik, ez kontratu bukaera, ez kaleratze gutunik, ez kitatze-agiririk, ez kalte-ordainik, ez kaleratzearen inguruko azalpenik.
"Egoera tamalgarrian" lan egiten zuten kaleratutako arrantzaleek, sindikatuak salatu duenez. Zortzitik lauk lan kontratu gabe zeuden, eta gizarte segurantzarik gabe. Itsasoan lan egitean are larriagoa da hori, beharrezkoak diren segurtasun, salbamendu, lehen laguntza edo sorospen kurtsorik ez dituztelako jasotzen. Horrelako praktikak azkeneko urteetan orokortu egin dira arrantzaren sektorean, LABek salatu duenez. Armadoreen interesak langileen egoeraren gainean jartzen direla eta zapalkuntza egoerak sortzen dituztela adierazi dute. Arrantzaren sektorearen krisiak eta instituzioek arrantzaren etorkizunarentzako neurririk ez hartzeak menderakuntza egoerak areagotzen dituzte, sindikatuaren arabera.
Enpresariak legearen gainetik daudela azpimarratu dute LABen, eta langileen lana galtzeko beldurra erabiltzen dutela beraien menpe edukitzeko: “Egoera prekarioetan bizi diren migratzaileez aprobetxatzen dira, kontratuak ez egiteko eta langileen eskubideak ez betetzeko”. Arrantza sektorea Euskal Herriko esplotazioaren aurpegi bilakatzen ari dela diote, LABek horren aurkako borrokara deitu du, eta instituzioen arrazismoa salatu du. Langile kanpotarrei oinarrizko eskubideak ukatzen zaizkiela iritzi dio, eta XXI. mendeko arrantza sektoreko "esklabotza" bukatzeko, ezinbestekotzat jo du horiek bermatzea.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Manifestazioa astelehenean, maiatzak 26, izango da 18:30ean Gasteizko Plaza Berritik. ELA, LAB eta ESK sindikatuek deitutako manifestazioan eskatuko dute grebari hasiera eman zion hitzarmen propioa lortzea.