Bergara eta Beasain arteko autobideko bidesariaren aurkako dinamika aurkeztu dute Deba Bailarako eta Goierriko Kontseilu Sozialistek
Langile klasearen bizitzaren garestitze progresibo eta orokorraren beste adierazpen bat da Bergara eta Beasain arteko autobideko bidesari berria, bi Kontseilu Sozialistetako kideek azpimarratu dutenez. Besteak beste, erantzule zuzenak "oligarkia internazionala, burgesia —espainiarra zein bertakoa— eta alderdi politiko guzti-guztiak" direla salatu dute, eta datozen hilabeteetarako prestatu dituzten protesta- eta kontzientziazio-ekimenetan parte hartzera deitu dute.
Astelehenean, azaroaren 1ean, "Peajerik ez! Bizitzaren garestitzea gelditu" dinamika aurkezteko prentsaurrekoa egin dute Ormaiztegin (Gipuzkoa) Deba Bailara (Gipuzkoa) eta Goierri eskualdeetako (Gipuzkoa) Kontseilu Sozialistek. Gipuzkoako Foru Aldundiaren asmoa da, hurrengo urte hasierarako, ibilgailuentzako ordainketa-sistema bat ezartzea Beasain (Gipuzkoa) eta Bergara (Gipuzkoa) lotzen dituen A-636 autobidean. Horren aurka abiatu dute dinamika berria bi eskualdeetako Kontseilu Sozialistek, eta lanketaren nondik norakoak azaldu dituzte agerraldian.
Langile klasearen bizitzaren garestitze progresibo eta orokorraren adierazpen modura kokatu dute ordainlekuen inposaketa. Izan ere, azken hilabeteetan oinarrizko zenbait produktu garestitu direla gogorarazi dute; tartean, argindarra, oinarrizko elikagaiak eta gasolina. Autobideko ordainketa-sistema berria, hala, adibide bat gehiago izango litzatekeela ohartarazi dute bi Kontseilu Sozialistek.
Erantzukizuna
Testuinguru horretan, erantzule zuzenak seinalatu dituzte: "Gutxienez, oligarkia internazionala, burgesia —espainiarra zein bertakoa— eta alderdi politiko guzti-guztiak". "PSOE eta Podemos alderdiek gobernu-erantzukizunak dituzte Espainiako Estatuan, EAJk EAEn dituen bezala. EAJ da, gainera, Beasain eta Bergara arteko bidesari berria jartzearen sustatzaile nagusia. Baina gobernu-ardurak ez dituzten gainontzeko alderdiak ere langile klasearen pobretze- eta miseria-areagotze prozesuan kolaboratzaile aktiboak eta zilegiztatzaileak direla ulertzen dugu. Horren adibide da, kasurako, Espainiako Kongresuan alderdi guztiek oligarkiaren interesera diseinatutako Europako Funtsen alde egin izana", gaineratu dute.
Borrokarako deia
"Burgesiaren ofentsibaren eta horren adierazpena den bidesari berriaren aurka egiteko modurik eraginkorrena eta konsekuenteena", hain zuzen, "antolakuntza komunista indartzea eta sozialismoaren alde egitea" dela aldarrikatu dute bi Kontseilu Sozialistetako kideek. Borrokara batzeko deia ere luzatu dute, "bizitzaren garestitzearen aurka egiteko, klase kontzientzia berpizteko, aldarri borrokalaria zabaltzeko eta antolakuntza gaitasunak handitzeko indarrak areagotzeko".
Jakinarazi dute, gainera, hainbat "protesta- eta kontzientziazio-ekimen" antolatu dituztela datozen hilabeteetarako, eta aurki emango dutela horien berri.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]