Beren atarietan etxebizitza turistikoak debekatu dituzten auzokideak omendu dituzte Gasteizko Alde Zaharrean

  • Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza turistikoak debekatu dituzten bi auzokide komunitate omendu dituzte.

Argazkia: Auzoan Bizi

2024ko ekainaren 25an - 15:21
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Zaharraz Harro! jai herrikoien barnean egin dute kalejira, astelehen arratsaldean. 18:30tan txupinazoak eman die hasiera jaiei, kale izendegi ofizialaren arabera Burullerias izena duen baina aspaldi jaietan bertan Bollerias bataiatu zuten plazan. Txupinazotik ordu betera iragarri dute kalejira abiatzear zela, plazatik bertatik.

“Azkenaldian auzoari etekina atera eta bizilagunak botatzen dituzten etsaiei beste bat batu zaie: etxebizitzekin negozioa egiten duten horiek, oraingoan turismoaren gorakada aprobetxatu eta Etxebizitza Turistikoekin (ET) poltsikoak betetzeko”, azaldu du Auzoan Bizi etxebizitza sarearen ordezkari batek. Negozioa egiten duten horien artean Gustavo Antepara azpimarrtu dute: “Antepara egun Gasteizko PPko zinegotzia da (soldata publikoduna) eta Alde Zaharrean behintzat 6 ET ditu, asko ilegalak eta obra ilegalez lortuak, bizilagunen etxebizitzak arriskuan jarriz” (Antepararen negozioak argitara ekarri ditu ARGIAk, besteak besteGasteizko PPko kide Gustavo Antépara: obra “klandestinoak” legez kanpoko pisu turistikoetan erreportajean).

Kalejira “ETen aurka” eta “bizilagunen alde” antolatu dute. “Batetik Anteparari eta etxebizitzarekin negozio egiten duten horiei gogoraraziko diegu ez garela haietaz ahaztu”, adierazi du, eta parte hartzaileak animatu ditu bidean aurkituko genituen ET plakak eta Antepararen etxebizitzak pegatinez betetzera. “Bestetik, ospatzera ere bagoaz. VTak galarazteko estatutuak aldatu dituzten auzoko bi komunitate omenduko ditugu portaletan plaka bana jarriz”.

Argazkia: Auzoan Bizi

Beste hiri eta auzo batzuetan gertatu bezala, Gasteizko Alde Zaharreko Gasteiz Txiki Auzo Elkarteak 2022an proposatu zien auzokideei beren atarietan etxebizitza turistikoak debekatzea, eta horretarako jarraitu behar diren urrats sinpleak azaldu zituen. Azalpenen ondotik abiatu da kalejira, aurretik gaztetxean panderoa ikasten duten haur eta irakasleak eta Zaharraz Harro!ko hiru erraldoi estreinatu berriak, eta atzetik dozenaka auzokide.

Turismoak auzoak eraldatzen ditu

Aiztogile kaleko atari batean egin du kalejirak lehen geldialdia, zain zuten ordurako bertako bizilagun bat. “Turismoaren negozioak etekina atera behar du bizitza printzetatik: plazetatik terrazak egin, okindegietatik souvenir-dendak, espazio publikoetan hesiak zein ordenantzak ezarri”, salatu du Auzoan Biziko kide batek, eta logika berberaren baitan kokatu du ETen sustapena. Azaldu du klase arrakala handitzen dutela ETek, eta auzoak eraldatzen dituztela auzokideen eguneroko bizitzaren kalterako.

“Horregatik, haren aurkako antolakuntza-adierazpen oro indartu eta txalotzeko, eskerrak eman behar dizkiegu gaurkoan Kutxi 36ko bizilagunei”. Jarraian, txalo artean itsatsi dute atarian Etxebizitza Turistikorik gabeko komunitatea. Hemen auzokideak bizi dira! lelodun plaka polita, eta aurrera jarraitu du kalejirak jai giroan.

Argazkia: Auzoan Bizi

 

Turistifikazioa gelditu “auzo-antolakuntzaz”

Bigarren geldialdia Margolari kalean egin dute, Etak debekatzen lehena izan zen atariaren parean. “Auzo-antolakuntzaren aldeko pausuak behar dira, txikitik hasita, etxebizitza guztiek bizitzeko erabilera izan dezaten, eta ez daitezen negozio izan. Etxebizitzak negozio turistikotik ateratzeko keinu txiki hauek hedatzea espero dugu, turistifikazioaren eragina geldiarazteko garaiz gauden honetan. Eskerrak hortaz, Pinto 68ko komunitateari, auzoko lehenak izan baitziren ETak galarazteko estatutuak aldatzen. Gaurko bigarren plaka zuentzat!”, adierazi dute antolatzaileek atariko kide irribarretsuari plaka eman aurretik.

Argazkia: Auzoan Bizi

 

Margolari kalean bertan egin du kalejirak hirugarren eta azken parada, Korda espazio autogestionatuan. Korda 2022ko Zaharraz Harro! jaietan okupatu zuten elkarlanean Zaharraz Harro!ko asanbladak, Auzoan Bizi etxebizitza sareak eta Herrizoma elikadura sareak. Zizka-mizka eta edateko batzuk atera dituzte kalera, auzokide batzuk dantzekin erantzun diete trikitien eta panderoen soinuei, beste batzuk hezurgabea jarri dute dantzan, eta poza nagusitu da Zaharraz Harro!ren estreinako egun honetan.


Kanal honetatik interesatuko zaizu: Turismo masiboa
2024-07-03 | Ula Iruretagoiena
Lurraldea eta arkitektura
Txibato

Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]


Turista taldeak 25 pertsonara mugatu nahi dituzte Hondarribian ere

"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]


Hiri eredu bizigarri baten aldeko manifestazioa egin dute ehunka lagunek Donostian

Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]


Hauteskunde kanpainan isildutako makroproiektuei buruzko eztabaidak

Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]


25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


“Welcome to Pintxoland” turistifikazioaren aurkako ekimena egin dute Donostiako Alde Zaharrean

Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.


Arxuria mendian errepide bat eraikitzeko egitasmoak kexua piztu du Saran eta Zugarramurdin

Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.

 


“Turistifikazioaren aurkako urria” antolatu dute, Donostiarentzat desazkunde turistikoa aldarrikatzeko

Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.


2023-08-30 | Ilargi Manzanares
Euskal Hirigune Elkargoak alokairuen prezioak mugatu ahal izango ditu tentsiopeko herrietan

Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.


2023-08-01 | Ilargi Manzanares
Venezia arriskuan dauden ondareen zerrendan sartzea proposatu du Unescok

Venezia babesteko Italiak hartu dituen neurriak “ez direla nahikoak” eta “handitu behar direla” adierazi du Unescok. Masen turismoa, erreforma proiektuak eta aldaketa klimatikoak jarri dituzte arrisku nagusi gisa.


2023-06-27 | Ula Iruretagoiena
Lurraldea eta arkitektura
Norakoa

Veneziara itsasotik iritsi behar dela esan didate, gainontzeko irisbideak asebeterik daudelako. Maider Lopez artistak mendialdean egindako auto ilaren kolapso-irudia datorkit burura hau entzutean. Baita Venezia eusten duen lurrak jendez gainezka egotearekin hiria hondoratzen... [+]


Eguneraketa berriak daude