Bere buruaz beste egin zuen Ekai Lersundiri buruzko dokumentala saritu dute Italian

  • Ekai Lersundi 16 urteko transexual ondarrutarrak bere buruaz beste egin zuen 2018an; Euskal Herrian oihartzun handia izan zuen gertaerak. Mutikoari buruzko dokumentala da Arantza Ibarraren Mi pequeño gran samurai, transexualitatearen gaineko tabuak apurtu nahi dituena. Italiako Omovies International LGBTQ jaialdian, metraje erdiko dokumental onenaren saria lortu du filmak.


2021eko urtarrilaren 08an - 14:08

Inoiz iritsi ez zen hormonen tratamenduaren zain egoteak bere heriotzean eragina izan zuela diote Ekairen gurasoek dokumentalean, eta tratamendu hauek lehenago bideratzeko eskaera ere izan nahi du lanak. Argi du aitak: “Trans izatea ez da buruko gaixotasuna, despatologizatzea beharrezkoa da”. Arantza Ibarra zuzendariak nabarmendu izan du gizartean oraindik dagoen ezjakintasuna: “Jendeak transformismoa, trabestismoa, transgeneroa, transexualitatea nahasten ditu. Jendea beti dago genitaletan pentsatzen eta gehiago pentsatu beharko genuke pertsonen sentimenduetan”.

Iaz, Bilboko Zinegoak jaialdian estreinatu zuten lana, eta dagoeneko ibilbide oparoa egin du jaialdiz jaialdi. Tartean, Zinegoak beraren publikoaren saria eta Kazakhstango Eurasia jaialdian dokumental onenarena lortuak ditu. Palmaresera gehitu da Italiako azken hau.

Gizarte osoak galdutako borroka

Chrysallis EH Elkarteak jakinarazi zuen berria: gaztearen amak semearen gorpua hilik topatu zuen 2018ko otsailaren 15ean. Ekaik egunero aurre egin beharreko borroka nerabe batentzat gehiegi izan zela ondorioztatu zuen Chrysallisek, gizarte osoak galdutako borroka izan zela. Hurrengo egunetan, Ekai Lersundirekin elkartasunez eta transfobia salatuz elkarretaratze ugari egin zen Euskal Herrian (irudian, Ondarroan bertan egindakoa).

 


Kanal honetatik interesatuko zaizu: Transexualitatea
Alejandra Burgos eta Karla Guevara, El Salvadorko trans aktibistak:
“LGTBI komunitatea eta emakumeak beti egon gara salbuespen egoeran”

Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]


“Gustatuko litzaidake pentsatzea bidea urratu dudala atzetik datozenentzat”

BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.


Gorputz hotsak
“Literatura izan da tristezia ulertzen lagundu didana”

Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]


Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Eguneraketa berriak daude