Bere borondatearen aurka adierazpenak gaztelaniaz egitera derrigortu nahi izan du arraunlari bat TKE-k
Euskal Herrian Euskarazek salatu duenez, euskara hutsean mintzatu nahi zuen arraunlari bat derrigortu nahi izan dute adierazpenak gaztelaniaz egitera Eusko Label Ligaren ACT TVn. Joan den uztailaren 25ean izan zen, Lekeition jokatutako estropaden amaieran.
Uztailaren 25ean Traineru Kluben Elkarteak antolaturiko Eusko Label Ligan Lekeition jokatutako estropaden amaieran, txapelketaren komunikazioaz arduratzen diren ACT TVko langileek elkarrizketa egitea eskatu zioten Donostiarra Arraun Elkarteko arraunlari bati. Ohikoa da estropada bakoitzean hainbat arraunlari elkarrizketatzea, adierazpen horiek sare sozialetan hedatzeko.
Arraunlari batek salatu du elkarrizketa egin aurretik eta mikrofonoa jarria ziotenean adierazi ziotela adierazpenak euskaraz eta gazteleraz egin behar zituela. “Nik euskaraz bakarrik egin nahi nuela adierazi nien eta ezezkoa jaso nuen, gaztelaniaz egiten lagunduko zidatela argudiatuz. Hizkuntza ezagutza ez zela arazo berretsi nien, printzipio kontu bat baizik, nik adierazpenak euskaraz soilik egin nahi nituen; baina erantzun zidaten ACTn geundela eta printzipioak baztertu behar zirela. Nahi bazuten azpitituluak jar zitzaketela esan nien baina euskaraz egingo nuela mantendu nuen. Elkarrizketatzailea haserretzen hasi eta nire hizkuntzarekiko konpromisoz mikroa kendu eta elkarrizketa egin gabe joan nintzen", salatu du arraunlariak.
"Nik adierazpenak euskaraz soilik egin nahi nituen; baina erantzun zidaten ACTn geundela eta printzipioak baztertu behar zirela"
“Euskal Herrian gaude eta gure hizkuntza nazionala euskara da. Zapalkuntza egoeran izanda ere euskaraz bizitzen saiatzeko konpromiso irmoa hartu dut eta ez diot borroka honi uko egingo”, adierazi du gerora.
Euskal Herrian Euskarazek gertaera salatu du. "Onartezina da euskaldunoi adierazpenak edo bestelakoak erdaraz egitera derrigortzea. Euskaldunon hizkuntza-eskubideen urraketa larria izateaz gain, euskararen bigarren mailako egoera elikatzen dute. Euskara aukera gisa mantentzen dute, ezinbestekoa ez den osagarri gisa; aldiz, espainiera edo frantsesa jardun guztietarako garrantzitsuak eta ezinbestekotzat inposatzen dute horrelako jarrerek. Guztiz arbuiatzen ditugu halako jarrerak", adierazi dute.
EHEk TKE Ligako arduradunei galdegiten die horrelako jarrera hizkuntza-eskubide urratzaileak baztertzera, eta, arraunlarien euskararen aldeko hautua errespetatzera. Era berean, Ligaren hizkuntza-praktika berrikustea eskatzen die, bereziki komunikazio eta sare-sozialen hizkuntza erabilerari dagokionean, horietan euskararen erabilera guztiz bazterrekoa baita, sinbolikoa. "Guztiz onartezina da TKE Ligak euskarari komunikazio publikoan ematen dion erabilera hutsala".
Azkenik, traineruen munduko pertsona guztiak, bereziki arraunlariak, euskararen aldeko hautuari eustera animatu nahi ditu Euskal Herrian Euskarazek. "Adierazpen publikoak zein bestelako edozein hizkuntza erabilera euskaraz soilik egitera animatu nahi ditugu, beraien eskubide ukaezina baita. Estropadetan ere euskara normalizatu dadin eta euskaldunok euskaraz bizi ahal gaitezen jarrera euskaltzale tinko izatera gonbidatzen ditugu".
"Euskaraz bizi nahi dugu" mezua tindatu zuten larunbatean, eta 48 oren inguru eman dituzte atxiloaldian ekintzaileek. Gorka Torre kontrol judizialpean askatu du prokuradoreak, epaiketaren zain; bertze hirurak komisariara deituak izanen dira.
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.