Berangoko Alconzako 25 langile kaleratu ditu Irizar Taldeak
Irizar Taldeak Berangoko Alconza lantegiko 25 behargin kaleratu zituen astelehenean, apirilaren 4an, enpresa-batzordeak jakinarazi duenez. Horren aurrean, salatu du enpresaren zuzendaritzak ez duela "inolako konpromisorik" lanpostuekin. Hala, "erabaki bidegabe eta arbitrario horri erantzuteko", manifestazioa egingo dute ostiralean, hilaren 8an, 19:00etan, Berangoko metro-geltokitik abiatuta.
Berangoko lantegiko beharginen % 40 kaleratu gura ditu Alconza Irizar Group enpresak; izan ere, 38 pertsona kalean uztea aurreikusten duen enplegu-erregulazioko espedientea (EEE) aurkeztu du zuzendaritzak. Horren aurrean, langileek greba mugagabea abiatu zuten joan den otsailaren 28an eta, egunotan, hainbat ekimen burutu dituzte.
Langileek gogoratu zutenez, garrantzi handiko enpresa da Alconza Berangon, urte askoan udalerriko eta inguruetako herritarrak bertan lan egin eta lan egiten dutelako. Hala, behin baino gehiagotan azpimarratu dute orain martxan jarritako borrokak "etorkizuneko enplegua" ekarriko duela.
Halaber, Berangoko lantegia erosi zuen Irizar Taldearen jokabidea gogor salatu dute uneoro langileek, eta lanpostuen %100 bermatuko duen plan-industriala ezar dezala exijitu diote greban egon diren bitartean. Are gehiago, azpimarratu dute zortzi urteotan Alconzako kutxan zegoen dibidenduak banatu ondoren, zuzendaritzak proposatutako "berrabiarazte-plana" 38 pertsona kaleratzean oinarritzea ez dela zilegizkoa: "Aurkeztutako irtenbidea ezin da oinarritu lanpostuen suntsipenean. Plan-industrial on bat produkzioan eta pertsonalean zein medioetan oinarritzean datza. Hori barik, ezerk ez du funtzionatuko, eta itxierara eramango gaitu".
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.