Behin betiko bake akordioa sinatu dute Kolonbiako Gobernuak eta FARCek
Mundu osoko hainbat agintari eta 2.000tik gora gonbidatu izan diren ekitaldian sinatu dute behin betiko bake hitzarmena Juan Manuel Santos Kolonbiako presidenteak eta Rodrigo Londoña Echevarri Timochenko gerrillako buruak, Cartagenan (Kolonbia). Urriaren 2an plebiszitua izango da eta herritarrek akordioa baietsi ala gaitzetsiko dute.
aurre egingo dieten hedabide independenteak
"Inork zalantzarik ez dezala egin, armarik gabe goaz politikara". FARCen politikarako jauziaz aritu da Timochenko, eta barkamena eskatu du: "Barkamena eskatzen dut FARC-EPk sortu duen minagatik", Berriak jaso duenez. Santosek, bere aldetik, azaldu du nahiago duela "perfektua ez den akordio bat hiltzen jarraitzen duen gerra perfektua" baino.
2012an hasi ziren negoziazioak, Kuban, eta 52 urtean 300.000 hildako utzi ditu gatazka armatuak. ELN Nazioa Askatzeko Armadak, orain arte Kolonbiako bigarren gerrilla izan denak, urriaren 2ko galdeketarako su-etena iragarri du. Kolonbiako Gobernuarekin negoziazioak martxan dira martxoaz geroztik baina ELNko kideek salatu dute geldirik daudela.
#GALERÍA | Así fue la firma del Acuerdo de Paz en Colombia https://t.co/NavOS5dXBK #FirmaDeLaPaz #SíALaPaz pic.twitter.com/dAXczyrpUm
— teleSUR TV (@teleSURtv) 27 de septiembre de 2016
Cartagenan bake akordioaren sinadura ekitaldirantz doaz gonbidatuak #Kolonbia pic.twitter.com/FdtjPfsbkX
— jon artano izeta (@jonartano) 26 de septiembre de 2016
