FARCeko gerrillari ohiek berriz armak hartuko dituztela iragarri dute

  • Kolonbiako gerrillako Iván Márquez buru ohiak eman du albistea, EFE agentziaren arabera. "Borroka etapa berri bat" hasiko dutela adierazi du.


2019ko abuztuaren 29an - 08:39

Bideo batez eman du albistea Iván Márquezek: "Munduari iragartzen diogu bigarren Marquetalia hasi dela, munduko herriek zapalkuntzaren kontra altxatzeko duten eskubidean oinarrituta". Duela mende erdi FARC sortu zen lekuari egin dio erreferentzia hitzak.

Abenduan beteko dira hiru urte Habanako bake akordioak sinatu zirela. Geroztik ehunka gerrillari eta lider sozial hil dituzte. Egoera horretan, Ivan Marquez edo Jesus Santrich bezalako buruzagi historikoek sasira jo zuten duela urtebete inguru.

Zabaldutako bideoan, Márquez ikus daiteke Santrich eta beste hogei bat pertsona ondoan dituela armekin:

"Inoiz ez ginen ideologikoki garaituak izan –dio Márquezek bideoan–, horregatik borrokak jarraitzen du. Historiak bere orrialdeetan kontatuko du armak berriz hartzera behartu gintuztela".

FARCen webgunean manifestuaren testua paratu dute osorik, hemen irakurgai (pdf).

Gerrillari ohiek armak hartuko dituztela ezagutarazi ostean, FARCeko hainbat buruzagi esanguratsuk bakearen aldeko bere konpromisoa berretsi dute, hala nola Rodrigo Loroño Timochenko-k. Twitterrez azaldu duenez "gerrak ez du merezi oihartzunik ematea, askoz gehiago gara bakearen alde lanean segiko dugunak".

ARGIAk uztailean elkarrizketa egin zion Lina Arregoces Kolonbiako FARC alderdiko bozeramaileari eta egoera ulertzeko hainbat gako eman zituen bertan: "Nik uste borrokatzen den jendeak ez duela atzera egiten. Santrichen kasuaren modukoetan ikusi da printzipioei eusten jarraitzen duten pertsonak daudela. Ez direnak engainatzen uzten akordioa edozein terminotan defendatzen dutenengatik", zioen Arregocesek Z. Oleagaren galderei erantzunez. Bere ustetan "justizia sozialari loturiko bake batez" hitz egin behar da: "Herriak ez du utziko iruzur egin diezaioten".


Kanal honetatik interesatuko zaizu: FARC
FARCeko disidentzia talde nagusiak iragarri du Gobernuarekin bilduko dela Norvegian

Kolonbian, FARC gerrilaren disidentzia-talde handienak adierazi du bakerako borondatea adierazi dutela eta Gobernuarekin elkarrizketak abiatuko dituela Norvegian, berak hala proposatuta. Eragile sozialekin eginiko topaketa batzuetan egin du iragarpena.


2023-01-02 | Leire Artola Arin
Su-etena adostu dute Gustavo Petrok eta bost talde armatuk ekainaren 30era arte

Kolonbiako presidentetza hartu zuenetik “erabateko bakea” izan du helburu Petrok, eta 2023 urtea su-etena sinatuta hasi dute herrialdean: ELNrekin, FARCeko disidentziekin, eta zenbait talde paramilitarrekin hitzartu dute. Ekaina amaitu arte egongo da indarrean,... [+]


2022-09-19 | ARGIA
“Erabateko bakerako” elkarrizketak hasi dituzte Kolonbiako Gobernuak eta FARCeko disidentziek

Lehen bilera egin dute ordezkariek Caqueta departamenduan, NBEko eta Norvegiako begiraleekin. “Erabateko bakerako” elkarrizketen bidea ireki dute asteburuan, eta azpimarratu dute beharrezkoa izango dela bi aldeek su-etena errespetatzea bitartean.


2022-05-29 | Xuban Zubiria
Alberto Pinzón eta Alexander Ugalde
"Tamalez, askotan errazagoa da gerra egitea"

Kolonbiak pasa den urtean bizitako eztanda sozialaren erdian argitaratu zuen Alberdaniarekin Freytter elkarteak Confieso que he cumplido con la amistad (Aitortzen dut, laguntasunarekin bete dut). Alberto Pinzón mediku eta militante historikoaren ibilbidea laburbiltzen... [+]


2022-02-09 | Ibai Trebiño
FARCeko disidenteak eta ELN, gerra bete-betean

Kolonbia eta Venezuela banatzen dituen mugan, Kolonbiako Arauca estatuan, gerra bortitza piztu da azken hilabeteetan ELNren eta FARCeko disidenteen artean. Baina zer ari da gertatzen? Ideologiaz harago, muga-eremu baten logikatik ulertu behar da gatazka, mugalde estrategikoa... [+]


Eguneraketa berriak daude