Begia galtzea, manifestazioan parte hartu zuen neskaren errua izan zela dio epaile batek
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak ziren manifestazio batean parte hartzeagatik.
aurre egingo dieten hedabide independenteak
Bartzelonako Lehen Instrukzio Auzitegiko Joaquin Aguirre epaileak auziari buruz egin duen autoa eskuratu du El Pais egunkariak eta hartan irakurri daitezke aipatutakoak. Agirreren ustez, biktimak “arrisku egoeran jarri zuen bere burua”, eta tiro egin zuten mossoek ez zen ez zuhurtziagabetasunik egon, ez kalte egiteko asmorik; proportzionaltasunez jokatu zuten, areago manifestari batzuen aldetik “muturreko oldarkortasunez” aritu zirenean. Horregatik guztiagatik, epaileak artxibatu egin du neskak jarritako salaketa.
Auzian herri akusazioa daraman Iridia Zentroaren aburuz, auzia “azkarregi” artxibatu da eta gainera “desegokia” da. Instrukzioan zehar kriminalitate zantzuak direla diote, bai tiro egin zuten mossoen aldetik, bai haiei tiro egitea agindu zien sarjentuarenetik.
Herri akusazioak jarritako helegitearen arabera, mossoek ez zuten errespetatu zehaztasuneko jaurtigaien barne protokoloa. Horren ondorioz, tortura delitua ere izan daitekeela uste dute, edo subsidiarioki, integritate moralaren aurkako delitua.
Helegitearen arabera, halaber, biktima larri zauritu zuten agenteen aurkako norabidean zihoanean: “Haien arteko distantziak, gainera, poliziekiko edozelako eraso egin ahal izatea eragozten zuen” eta horren ondorioz, ez zegoen “inongo arriskurik”, ez polizientzat, ez gainerako manifestarientzat. Horrexegatik, akusazioak uste du indarraren “legez kontrako” erabilera egon zela mossoen aldetik.
Mutilazioa justua da orduan?
Begia galdu duen neskak idatzitako idazkia irakurri du ostegun honetan haren aitak eta bertan, neskak deitoratzen du epaileak “justutzat” hartzea bere “mutilazioa”: “Esan nahi du horrek kalean manifestazioak egitera ateratzea ez dela segurua? Hau da, ezkerrekoa bazara, independentista, haiek nahi dutenaren aurka bazoaz, mutilatua bukatuko duzu: badirudik hori adierazi nahi digula epaileak”.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.