BBVAren “politika hiltzaileak” salatu ditu BBVAaren Aurkako Plataformak beste behin

  • Odola irudikatzen duen margo gorria bota dute buru gainera BBVAaren Akziodunen Batzarretik hurbil bankuaren Aurkako Plataforma osatzen duten sindikalistek, hezkuntza-profesionalek, antimilitaristek, ekologistek, internazionalistek eta hainbat herritarrek, bankua “odolez zikinduta” dagoela salatzeko.


2016ko martxoaren 11n - 17:58

Hainbat arrazoirengatik dago bankua odolez zikinduta, ekintza egin dutenen arabera: “Pobreen eta aberatsen arteko diferentzia sustatzen dute bankuaren “joko zikinek”, 288 milioi euro baino gehiago ematen dizkie Espainiako armagintza-fabrikei, jendea etxeetatik botatzen dute, eta etxe horiek eskuratzen ditu, ingurumenarekiko oso bortitzak diren proiektuak bultzatzen ditu, eta bankuak finantzatutako Quimbo urtegiaren proiektuan Nelson Giraldo ekintzailea erail zuten”.

BBVAk 2.642 milioi euroko irabazia lortu zuen 2015ean –iaz baino % 0,9 gehiago–, eta herritarren gehiengoa krisi handi batetik atera ezinean dabil, plataformako kideek salatu dutenez. “Krisia, gainera, bankuek egindako espekulazioak eragin du, eta herritarrok ordaindu ditugu ondorioak: estatuko fondoak bankuak salbatzeko erabili dira, eta kaleratzeak gertatu dira etengabe. Zurikeria da haien ikurra. Baina guk jarraituko dugu haien benetako aurpegia erakusten”, gaineratu dute.

Kanariar Uharteetako eta Madrileko antimilitaristek ere hartu dute parte salaketan.

 

 

 

 

 


Kanal honetatik interesatuko zaizu: BBVA
Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


BBVAk 1.846 milioi euro irabazi ditu lehen hiruhilekoan, iaz baino %40 gehiago

Espainiako Estatuan 541 milioi euro irabazi ditu, duela urtebete baino %9,5 gutxiago, 225 milioi euro ordaindu baititu bankuei ezarritako zerga berriagatik. Hala ere, mundu osoko negozioak kontuan hartuta, ia 2.000 milioi irabazi ditu, iaz baino nabarmen gehiago.


Inflazioa ez da fenomeno meteorologikoa, baina zure soldata urtuko du hipotekatan

Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?


BBVAk 6.420 milioi euroko irabaziak izan zituen iaz, 2021an baino %38 gehiago

Irabazien %47, 3 milioi euro, akziodunen artean banatuko dute, eta akzio bakoitzeko urteko dibidendua %39 igotzeko asmoa dute.


2023-01-11 | ARGIA
Bilboko familia batek hamazazpi egun egin ditu gas eta argindarrik gabe, BBVAren higiezinen agentziak etxetik bota nahi dituelako

Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]


Eguneraketa berriak daude