BBVAko soldatatxo horiek

  • Azken egunetan ezagutaraziko datu ofizialen arabera, BBVAko kupulan dauden exekutiboek soldata milioidunak jasotzen jarraitzen dute –pandemiak pandemia–, burtsan kotizatzen duten enpresa handietako beste goi kargu askok bezala.


2021eko otsailaren 18an - 16:41

Carlos Torresek, BBVAko presidenteak, 4,09 milioi euro irabazi zituen 2020an –2,45 milioi soldata finkoarekin eta 1,64 milioi erretiro- aurreikuspenarentzako–. Banku horretako Onur Genc kontseilari delegatuak, berriz, 3,43 milioi euro irabazi zituen –2,18 milioiko soldata eta 1,25 milioiko osagarria, ordainsari finko eta  mugikortasunerako–.

Haien diru-sarrerak askoz handiagoak izan zitezkeen, soldata horiek 2019an baino %44 gutxiago baitira, "pandemia iritsi zenean, Europako Banku Zentralaren  gomendio bati jarraiki, ordainsari aldakorrari borondatez uko egin ziolako bankuaren kupulak ". Azken egunetan ezagututako datu ofizialak dira. Antzeko soldatak irabazten dituzte Espainiako Estatuko Ibex 35 burtsa indizean kotizatzen duten enpresetako kupula gehienetan –adibidez, Josu Jon Imaz Repsoleko kontseilari delegatuak 3,36 milioi euro jaso zituen iaz–, baita Frantziako Estatuko CAC 40an kotizatzen dutenen artean ere.

Patronalen elkarteetan eta antzeko erakundeetan dituzten ordezkariekin presionatuz, enpresari horiek, gobernuen politika ekonomikoak, eredu sozialak eta soldatak baldintzatzen dituzte lotsarik gabe. Espainiako Estatuan adibidez, Lanbide arteko Gutxieneko Soldataren (LGS) eta pentsioen igoerak zelatatu, kontrolatu eta geldiarazi dituzte.

Milioika pertsonak, hilero 950 euroko LGS-rekin edo  1.000 eurotik beherako pentsioekin biziraun behar du haien erruz. Beste asko langabezian edo marjinazioan daude, eta pobreziaren atalasearen azpitik bizi dira. Egungoa bezalako sistema bat –kapitalista–, gutxi batzuentzat hainbeste aberastasun eta gizartearen gehiengoarentzat hainbeste bidegabekeria eta desberdintasun eragiten dituena, bidegabea, insolidarioa eta onartezina da.

Pertsona, talde, elkarte, alderdi politiko, sindikatu… denon esku dago sistema alternatibo bat eraikitzeko aukera. Gutxiengo batek gehiengo sozial baten lanarekin sortutako aberastasunaz soldata milioidunak izatea eragotziko duen beste sistema justuago bat izateko abagunea.


Kanal honetatik interesatuko zaizu: Desberdintasun soziala
Gizonen %44k uste du berdintasun-politikak "urrunegi" joan direla eta beraiek direla baztertuak

Espainiako Ikerketa Soziologikoen Zentroak (CIS) egindako lehen inkesta monografikoa da, “Gizonen eta emakumeen arteko berdintasunari buruzko pertzepzioak eta genero-estereotipoak” gaiari buruzkoa: ikerketan parte hartutako emakumeen gehiengoak (%65,5) dio baieztapen... [+]


Etxeko errefortzua kontuan hartu gabe emango bagenu klasea?

"Eskolan ikasgaia azaldu, etxean eskolako lanak egin eta azterketa jarri" formula aldatzea erabaki du José Antonio Herranz irakasleak: irakaskuntza-ikaskuntza osoa eskola-orduetara mugatu du, etxeko errealitatearen erruz ez daitezen ikasle batzuk atzean geratu... [+]


Eskolaz kanpoko jarduerak doan, Portugalgo gakoa desorekari aurre egiteko

6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]


Arrakalaren enegarren aurpegia

338 eurotako alokairua edo 119.000 eurotako erosketa. Horiek dira 18 eta 44 urte arteko emakume batek batez beste ordaindu dezakeena bere kabuz bizitzen jartzeko EAEn. Beti ere, etxebizitzarako gorde beharrekoa gehienez diru-sarreren %30 dela kontutan hartuta. Eusko... [+]


Wimbledongo araudi orbangabea

Londres, 1877ko uztaila. All England Lawn Tennis and Crocket Club elkarteak antolatuta, Wimbledon tenis txapelketa jokatu zen lehenengoz, munduko tenis lehiaketarik zaharrena. Handik zazpi urtera, 1884an emakumezkoek ere parte hartu ahal izan zuten. Eta aurten amaitu berri den... [+]


Eguneraketa berriak daude