Gasteizko Kurdistanekiko Elkartasun taldeak bankak armamentuan egiten dituen inbertsio milionarioak salatu ditu BBVAk Dato kalean duen egoitzaren aurrean.
Turkiak Rojavaren aurkako operazio militarra ekin zuen duela aste gutxi, ordutik hainbat elkartasun ekimen burutu ditu Gasteizko Kurdistanekiko Elkartasun Taldeak Herri Kurduari elkartasuna adierazi eta gerrarekin kolaboratzen duten instituzio eta enpresak salatzeko, hala nola Turkish Airlines konpainiaren aurka.
Atzo, elkarretaratzea egin zuten Dato kalean BBVAk duen bulegoaren aurrean: “Banka armatua salatu zuten bertan, Gerrarekin banka handiak aberastu besterik ez dira egiten” azaldu zuten, “Sistema kapitalistarentzat dena da zilegi, gutxiengo batek, baliabide estrategikoak eta lurraldeak kontrolatzen jarraitzeko heriotza eta suntsipena sortu behar baditu ere”.
“Gerra makina martxan jartzeko” milioika euro behar direla adierazi zuen atzo Kurdistanekiko Elkartasun Taldeak, baita datuak aurkeztu ere. 2013 eta 2018 urte bitartean BBVAk 2.673.026.368,28 € inbertitu ditu armagintzan.
Guzti honen aurrean Rojavari elkartasuna adierazi diote beste behin, “Kurdistan, duen garrantzia geoestrategikoarengatik eta erakutsi duen antolakuntza alternatiborako gaitasunarengatik begi puntuan jarri dute munduko potentziek”.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]