Barrenetxearen tortura kasua epaitu zuen epaileetako bati domina eman zion Guardia Zibilak
Sandra Barrenetxeak aurkeztutako tortura salaketa apirilean epaitu zen: Alfonso Gonzalez Guija epaileak akusatuta zeuden lau Guardia Zibilak absolbitu zituen, salaketa berresteko “elementu periferikorik” ez zegoela argudiatuta. Orain jakin da magistratuak Guardia Zibilak ematen duen Ordenaren Merezimenduzko domina jaso zuela Barrenetxearen epaiketa baino sei hilabete lehenago eta ordurako bazekitela bera izango zela epaileetako bat.
Jon Iñarritu EH Bilduko senatariari Espainiako Gobernuak aitortu dio Barrenetxearen kasuko epaileak Guardia Zibilaren errekonozimendua lortu zuela, beraiekin “kolaboratzeagatik”. Guardia Zibilak ez diren profesionalei ematen zaien saria da, segurtasun indarrei babesa eta laguntza emateagatik.
Iñarrituk adierazi du epailea Barrenetxearen kasutik kanpo geratu beharko litzatekeela “neutraltasun faltagatik”, eta informazio honek tortura salaketa gehienetan nabarmendu den botereen banaketa eza azaleratzen duela: “Tortura kasuetan agerian geratu da Gobernuaren, segurtasun indarren eta epaileen arteko harremana, ez dago inongo hausturarik euren artean”.
Testigantza ez zen nahikoa
Sandra Barrenetxea 2010an atxilotu zuten, 2001an ilegalizatu zuten Ekin erakundeko kide izatea leporatuta. Atxilo-aldian jasandako irain, mehatxu eta sexu erasoak “etengabeak” izan zirela berretsi du uneoro. Kasua pasa den apirilean epaitu zen Bizkaiko Lurralde Auzitegian eta epaileak salaketa ez zela faltsua ebatzi bazuen ere, lau akusatuak kargugabetu zituen aurkeztutako frogak nahikoak ez zirela argudiatuta. Defentsak adierazi du, Guardia Zibilak epaileari emandako domina froga gisa erabiliko dutela kasua Europako Auzitegietara eramateko.
Amnistia Internazionalak jakinarazi duenez, 2004tik 6.000 salaketa jaso ditu Espainiako Estatuak tortura kasuengatik eta akusatuen gehiengoak Guardia Zibilak dira.
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.