Bardeetako tiro poligonoa desegiteko eskatu dute martxa batekin 34. urtez
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari diren beste herrialde guztiekiko elkartasuna adierazi dute. Eta bestetik, Gladys del Estal ekintzaile ekologista oroitu dute.
Milagros Rubio eta Eduardo Navascues ekintzaileek irakurri duten komunikatuan gogorarazi dute lau urteren buruan, Espainiako Defentsa ministerioaren eta Bardeetako Komunitatearen arteko hitzarmena amaituko dela, eta ez berritzeko eta eremua Parke Naturalaren parte izateko eskatu dute. "Gure arrazoiak ingurumenezkoak, pazifismozkoak, ekonomikoak eta segurtasunezkoak dira”, azpimarratu dute.
Komunikatuan bereziki adierazi dute, “aurtengo martxak palestinar herriarekin elkartasuna adierazteko asmoa dauka, jasaten ari diren sarraskiaren ondorioz”. “Hala ere, ez ditugu Hamasen terrorismoak eragin dituen biktima israeldarrak ahazten, ezta Ukraniako biktimak ere”, gehitu dute. Bukaeran gehitu dute Bardeak gerra entrenamendurako erabiltzeak gatazka horien parte egiten dituela.
Gladys del Estali omenaldia
Astelehenean 45 urte bete dira Gladys del Estal gazte donostiarra, 23 urte zituela, Tuteran egindako manifestazio antinuklear batean Guardia Zibilak tiroz hil zuela. Ekintzaile gaztea erail zuen Jose Martinez Salak, domina jaso zuen sententzia atera eta bi hilabetera. Ekintzaile gaztearen alde minutu bateko isilunea egin dute.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Benetako armak erabili dituzte eta ostirala arte ariko da Espainiako Armada parajean bonbak botatzen.
Espainiako Defentsa Ministerioak ez du argitu benetako sua erabiltzen ari diren ala ez. Aurreko astean erabili zuten, herritarrak abisatu gabe.
Tiro poligonoaren aurkako asanbladak salatu du Bardean maniobra militar berriak egiten ari direla, eta litekeena dela benetako suarekin egiten aritzea. Kritikatu du pandemia garaian zergak gerretarako maniobrak probatzera bideratzea.
Bihar, osteguna, eta hilaren 9an eta 10ean maniobra militarrak egingo dituzte Bardeetako tiro poligonoan. Hegaztien habia egiteko garaia dela-eta, maniobra hauek salatu ditu Bardeak Libre plataformak.
Otsailean entrenamendu militarrak egin dituzte bertan europako zazpi herrialde ezberdinetako armadak. Bardea Libre kolektiboak salatu duenez, martxoaren 5etik 9ra jarduera berriak eginen dituzte bertan militarrek, hain zuzen "ingurune natural horretan bizi diren hegaztiek... [+]
Tuteran poliziaren erasoa gertatu eta Gladys Del Estal hil baina lau aste lehenago, Manuel Gutierrez Mellado Espainiako presidenteordeak AEBetako goi ordezkari batekin hitz egin zuen Bardeako tiro eremuaren inguruan. Zer ari ziren negoziatzen? Zer zegoen jokoan Erriberako bazter... [+]
Bardeetako natur parkea gerrarako bonben entsegu toki bezala erabiltzearen kontrako jarrera agertzeko eskatuko die Tiro Eremuaren Aurkako Asanbladak Nafarroako udalei, mozio baten bidez.
Ameriketako Estatu Batuek 750 base eta misio militar dituzte munduko 128 herrialdetan. Ez gara obsesio militarista eta inperialista horrek sortutako gerrak zerrendatzen hasiko, baina tamalez horien guztien konplize bihurtu gintuzten duela 33 urte.
Urtarriletik eta 2028. urtera arte urtero 14 milioi euro bideratuko dizkio Defentsa Ministerioak Bardeako Batzordeari; orain arte urtero 7 milioi izaten ziren. Kontratu bidez blindatua du aireko armadak maniobretarako eremua.
Urriaren 17tik 19ra egin behar zituen Espainiako Armadak ariketa militarrak baina azkenik aste honetan egiten ari dira. Bardeak Libre plataformak elkarretaratzea eginen du asteazken honetan 19:00etan.
Urriaren 17tik 19ra eginen ditu Espainiako Armadak maniobrak, beste behin. Tiro Poligonoaren Aurkako Taldeak salatu du "Parke Naturalean gailentzen dela maniobra horiek egiteagatik Armadak ordaintzen duen kanona segurtasuna eta ingurumenaren gainetik".